സവർക്കർ ബ്രിട്ടീഷുകാരോട് മാപ്പപേക്ഷിച്ചതിന് ഇതാ തെളിവുകൾ

ഹിന്ദുത്വയുടെ പിതാവ് എന്നറിയപ്പെടുന്ന വിനായക് ദാമോദർ സവർക്കർ എന്ന വി ഡി സവർക്കർ ബ്രിട്ടീഷുകാരോട് മാപ്പപേക്ഷ നടത്തിയതിന് തെളിവുകളുണ്ടോയെന്നത് എക്കാലവും സംഘപരിവാർ നടത്തുന്ന വെല്ലുവിളിയാണ്. സവർക്കറുടെ ജയിൽവാസവും മാപ്പപേക്ഷയും ചർച്ചയാകുമ്പോഴെല്ലാം ഈ ചോദ്യം സംഘപരിവാരം ഉയർത്താറുണ്ട്. മാപ്പ് പറയാൻ ഞാൻ സവർക്കറല്ല, ഗാന്ധിയാണ് എന്ന് രാഹുൽ ഗാന്ധി കഴിഞ്ഞ ദിവസം വാർത്താ സമ്മേളനത്തിൽ പറഞ്ഞതാണ് മാപ്പപേക്ഷ വീണ്ടും ചർച്ചയായത്. സവർക്കറിൻ്റെ ചെറുമകനാണ് ഇത്തവണ വെല്ലുവിളിയുമായി രംഗത്തെത്തിയത്. എന്നാൽ, മാപ്പപേക്ഷ നടത്തിയതിനുള്ള തെളിവുകൾ സാമൂഹികമാധ്യമങ്ങളിൽ നിറയുകയാണ്. കവി പി എൻ ഗോപീകൃഷ്ണനാണ് സാമൂഹിക മാധ്യമത്തിൽ തെളിവുകൾ കൊണ്ടുവന്നത്. മാപ്പപേക്ഷ സവർക്കറുടെ തന്ത്രമായിരുന്നെന്നും തൻ്റെ ആത്മകഥയിൽ അദ്ദേഹം തന്നെ മാപ്പപേക്ഷ വെളിപ്പെടുത്തിയിട്ടുണ്ടെന്നുമുള്ള വാദത്തെയും ഗോപീകൃഷ്ണൻ ഖണ്ഡിക്കുന്നുണ്ട്. രണ്ട് പോസ്റ്റുകളും താഴെ ചേർക്കുന്നു:

സവർക്കറുടെ മാപ്പപേക്ഷ എഴുതിയതായി തെളിയിക്കാൻ ബെറ്റുവെയ്ക്കുന്നതായി ഒരു സന്ദേശം വാട്ട്സ് ആപ്പ് ഗ്രൂപ്പുകളിലും ഫേസ് ബുക്കിലും ഒക്കെ ചുറ്റിക്കറങ്ങുന്നുണ്ട്. സവർക്കർ എഴുതിയ മാപ്പപേക്ഷകളിലെ ചില ഭാഗങ്ങൾ താഴെ കൊടുക്കുന്നു. ആ മാപ്പപേക്ഷകളെല്ലാം ബ്രിട്ടീഷ് ആർക്കൈവ്സിൽ ഉണ്ട്. അവയുടെ മുഴുവനായുള്ള മലയാള വിവർത്തനം വായിക്കണമെങ്കിൽ ഈ ലേഖകൻ Navamalayali Magazine ൽ എഴുതി വരുന്ന ” ഹിന്ദുത്വത്തിന്റെ കഥ വായിച്ചാൽ മതി.