Kerala
പോക്സോ കേസില് നടന് കൂട്ടിക്കല് ജയചന്ദ്രന്റെ മുന്കൂര് ജാമ്യാപേക്ഷ ഹൈക്കോടതി തള്ളി
കഴിഞ്ഞ വര്ഷം ജൂണില് കേസ് രജിസ്റ്റര് ചെയ്തെങ്കിലും നടനെ പൊലീസ് അറസ്റ്റ് ചെയ്തിരുന്നില്ല.
![](https://assets.sirajlive.com/2025/01/actor-jayachandran.jpg)
കൊച്ചി | പോക്സോ കേസില് നടന് കൂട്ടിക്കല് ജയചന്ദ്രന്റെ മുന്കൂര് ജാമ്യപേക്ഷ ഹൈക്കോടതി തള്ളി. കോഴിക്കോട് കസബ പോലീസ് രജിസ്റ്റര് ചെയ്ത കേസിലാണ് നടന് ഹൈക്കോടതിയില് മുന്കൂര് ജാമ്യാപേക്ഷ നല്കിയത്. കഴിഞ്ഞ വര്ഷം ജൂണില് കേസ് രജിസ്റ്റര് ചെയ്തെങ്കിലും നടനെ പൊലീസ് അറസ്റ്റ് ചെയ്തിരുന്നില്ല.കൂട്ടിക്കല് ജയചന്ദ്രന് ഒളിവിലാണെന്നാണ് പോലീസ് ഭാഷ്യം
ഇതിനിടെ നടന് കോഴിക്കോട് പോക്സോ കോടതിയില് ജാമ്യാപേക്ഷ നല്കിയിരുന്നെങ്കിലും തള്ളിയിരുന്നു. ജൂലൈ 12ന് ജാമ്യാപേക്ഷ തള്ളിയത്. തുടര്ന്നാണ് മുന്കൂര് ജാമ്യാപേക്ഷയുമായി ഹൈക്കോടതിയെ സമീപിച്ചത്. ഗുരുതരമായ കേസാണെന്നും ജാമ്യം നല്കരുതെന്നുമുളള സര്ക്കാര് വാദം അംഗീകരിച്ചാണ് ജാമ്യ ഹരജി തള്ളിയത്. കുട്ടിയുടെ അമ്മയുടെ പരാതിയിലാണ് കസബ പൊലീസ് നടനെതിരെ കേസെടുത്തത്. കുടുംബ തർക്കങ്ങൾ മുതലെടുത്ത് ജയചന്ദ്രൻ മകളെ പീഡിപ്പിച്ചുവെന്നായിരുന്നു അമ്മ നൽകിയ പരാതി. ജില്ലാ ചൈൽഡ് പ്രൊട്ടക്ഷൻ യൂണിറ്റ് നിർദേശം നൽകിയതിന്റെ അടിസ്ഥാനത്തിൽപോലീസ് കുട്ടിയിൽ നിന്ന് മൊഴിയെടുത്തിരുന്നു