ഹയർ സെക്കൻഡറി പരീക്ഷ ഇന്ന് പൂർത്തിയാകും

തിരുവനന്തപുരം | സംസ്ഥാനത്ത് ഹയർ സെക്കൻഡറി, വൊക്കേഷനൽ ഹയർ സെക്കൻഡറി, ഒന്ന് മുതൽ ഒമ്പത് വരെയുള്ള സ്‌കൂൾ പരീക്ഷകൾ ഇന്ന് പൂർത്തിയാകും. രണ്ട് മാസത്തെ മധ്യവേനലവധിക്ക് നാളെ തുടക്കമാകും. എസ് എസ് എൽ സി പരീക്ഷ ഇന്നലെ പൂർത്തിയായിരുന്നു.

ഉത്തരക്കടലാസ് മൂല്യനിർണയം സംസ്ഥാനത്തെ 70 ക്യാമ്പുകളിലായി ഏപ്രിൽ മൂന്ന് മുതൽ 26 വരെ നടക്കും. 18,000 അധ്യാപകരെ ഇതിനായി നിയോഗിച്ചിട്ടുണ്ട്. മെയ് 20നകം എസ് എസ് എൽ സി, ഹയർ സെക്കൻഡറി പരീക്ഷാ ഫലപ്രഖ്യാപനം നടത്തുമെന്ന് മന്ത്രി വി ശിവൻകുട്ടി അറിയിച്ചു.
വേനലവധിക്കായി നാളെ സ്‌കൂളുകൾ അടക്കും. ജൂൺ ഒന്നിന് പുതിയ അധ്യയന വർഷം ആരംഭിക്കാനാണ് തീരുമാനം.