Uae
ചരിത്ര അറബി നിഘണ്ടുവിന് ഗിന്നസ് വേള്‍ഡ് റെക്കോര്‍ഡ്; ഷാര്‍ജ ഭരണാധികാരി ഏറ്റുവാങ്ങി
അറബ് രാജ്യത്തിന്റെ വൈവിധ്യമാര്‍ന്ന മേഖലകളില്‍ കൂടുതല്‍ അറിവും ഉള്‍ക്കാഴ്ചകളും ഈ പദ്ധതി പ്രദാനം ചെയ്യും
ഷാര്‍ജ| ഷാര്‍ജ പുറത്തിറക്കിയ അറബിക് ചരിത്ര നിഘണ്ടുവിന് ഗിന്നസ് വേള്‍ഡ് റെക്കോര്‍ഡ്. ലോകത്തിലെ ഏറ്റവും വലുതും വിപുലവുമായ ചരിത്രപരമായ ഭാഷാ പ്രോജക്റ്റിനുള്ള അംഗീകാരം സുപ്രീം കൗണ്‍സില്‍ അംഗവും ഷാര്‍ജ ഭരണാധികാരിയും ഷാര്‍ജ അറബിക് ലാംഗ്വേജ് അക്കാദമിയുടെ പരമോന്നത പ്രസിഡന്റുമായ ശൈഖ് ഡോ. സുല്‍ത്താന്‍ ബിന്‍ മുഹമ്മദ് അല്‍ ഖാസിമിക്ക് സമ്മാനിച്ചു.
അറബി ഭാഷയുടെ ചരിത്ര നിഘണ്ടു നല്‍കുന്ന വിപുലമായ പ്രവര്‍ത്തനത്തിന്റെയും ശാസ്ത്രീയ മൂല്യത്തിന്റെയും പ്രതിഫലനമാണ് 127 വാല്യങ്ങള്‍ ഉള്ള ഈ നിഘണ്ടു. അറബിക് ലാംഗ്വേജ് അക്കാഡമി, ഗവേഷകര്‍, പണ്ഡിതര്‍, നിരൂപകര്‍, എഡിറ്റര്‍മാര്‍, പ്രൂഫ് റീഡര്‍മാര്‍, പബ്ലിഷിംഗ് ഹൗസ് തുടങ്ങി നിഘണ്ടുവില്‍ സംഭാവനകള്‍ നല്‍കിയ എല്ലാവരുടെയും ശ്രമത്തിന്റെ അടയാളമാണ് ഈ അംഗീകാരമെന്ന് ശൈഖ് സുല്‍ത്താന്‍ പറഞ്ഞു.
അറബ് രാജ്യത്തിന്റെ വൈവിധ്യമാര്‍ന്ന മേഖലകളില്‍ കൂടുതല്‍ അറിവും ഉള്‍ക്കാഴ്ചകളും ഈ പദ്ധതി പ്രദാനം ചെയ്യുമെന്ന് അദ്ദേഹം ചൂണ്ടിക്കാട്ടി. ഷാര്‍ജ ബ്രോഡ്കാസ്റ്റിംഗ് അതോറിറ്റി ഡയറക്ടര്‍ ജനറലും ഷാര്‍ജയിലെ അറബിക് ലാംഗ്വേജ് അക്കാദമി ട്രസ്റ്റി ബോര്‍ഡ് അംഗവുമായ മുഹമ്മദ് ഹസന്‍ ഖലാഫ് ചടങ്ങില്‍ പങ്കെടുത്തു.
Latest
മാസപ്പടി വിവാദം: തന്റെ ആരോപണങ്ങള്‍ ശരിവയ്ക്കുന്നതാണ് കേന്ദ്ര ഏജന്‍സിയുടെ റിപ്പോര്‍ട്ടെന്ന് മാത്യു കുഴല്‍ നാടന്‍
ഇടുക്കിയില്‍ ശബരിമല തീര്‍ത്ഥാടകര്‍ സഞ്ചരിച്ച ബസ് നിയന്ത്രണം വിട്ട് മറിഞ്ഞു; ആറു പേര്‍ക്ക് പരുക്ക്
അംബേദ്ക്കറെ അപമാനിച്ചതില്‍ പ്രതിഷേധം രൂക്ഷം; പാര്‍ലിമെന്റ് വളപ്പില്‍ സംഘര്‍ഷം
തുടര്‍ച്ചയായ രണ്ടാം ദിനവും സ്വര്‍ണവില താഴോട്ട്
വയനാട് ഉരുള്‍പൊട്ടല്‍ ദുരന്തബാധിതര്‍ക്ക് നോട്ടീസ്; നടപടി റദ്ദ് ചെയ്തതായി കെ എസ് എഫ് ഇ ചെയര്‍മാന്‍
അമ്മയുടെ മൃതദേഹം ആരെയും അറിയിക്കാതെ മറവുചെയ്യാനുള്ള മകന്റെ ശ്രമത്തില്‍ ദുരൂഹത
