ഹും എന്തൊരു നാറ്റം! മൃഗലോകത്തെ ദുർഗന്ധക്കാരെ കുറിച്ചറിയാം...

ഒരുമൈൽ അകലെവന്നാൽപോലും മൂക്കുപൊത്തേണ്ട ചില ജീവികളുണ്ട്‌ മൃഗലോകത്ത്‌. അത്രക്ക്‌ ദുർഗന്ധമാണ്‌ ഇവയ്‌ക്ക്‌. അവയെ പരിചയപ്പെടാം

സ്‌കങ്ക്‌

സസ്തനികളിലെ ഒരു കുടുംബമാണ് സ്കങ്ക് (Mephitidae). അമേരിക്കൻ ഐക്യനാടുകളിലാണ് വെരുകുകളുടെ വർഗ്ഗത്തിൽ പെട്ട ഇവ സാധാരണയായി കാണപ്പെടുന്നത്. ചില പ്രദേശങ്ങളിൽ ഇവ പോൾക്യാറ്റ് എന്നു വിളിക്കപ്പെടുന്നു. പൂച്ചയോളം വലിപ്പമുള്ള ഇവയുടെ ശരീരം കറുപ്പും വെളുപ്പും വരകൾ നിറഞ്ഞിരിക്കുന്നു. ശത്രുവിൽ നിന്നും രക്ഷ നേടാനായി ഇവ ശത്രുവിൻ്റെ നേരേ തിരിഞ്ഞ് ഒരു ദ്രാവകം ചീറ്റുന്നു. ഈ ദ്രാവകത്തിന്‌ രൂക്ഷമായ ഗന്ധമാണ്‌. ഇത്‌ കണ്ണിൽ പതിക്കുമ്പോൾ കാഴ്ച കുറച്ചു സമയത്തേക്ക് നഷ്ടമാകും. അങ്ങനെയാണ്‌ ഇവ വേട്ടക്കാരിൽനിന്ന്‌ രക്ഷപ്പെടുന്നത്‌.

സ്റ്റിങ്ക് ബഗ്

ചൈന, ജപ്പാൻ, കൊറിയ, മറ്റ് ഏഷ്യൻ പ്രദേശങ്ങൾ എന്നിവിടങ്ങളിൽ നിന്നുള്ള പെൻ്ററ്റോമിഡേ കുടുംബത്തിലെ ഒരു പ്രാണിയാണ് ബ്രൗൺ മാർമോറേറ്റഡ് സ്റ്റിങ്ക് ബഗ്. വിളകൾ തിന്നുന്ന ഇവ കർഷകർക്ക്‌ ഒരു തലവേദനയാണ്‌. ശത്രുക്കളിൽനിന്ന്‌ രക്ഷതേടാൻ ഇവ ചീഞ്ഞളിഞ്ഞ ചെടികൾക്ക് സമാനമായ ദുർഗന്ധം പുറപ്പെടുവിക്കുന്നു.

വോൾവറിൻ

സ്കങ്ക് ബിയർ എന്ന് വിളിക്കപ്പെടുന്ന വോൾവറിൻ തങ്ങളുടെ വിഹാര പ്രദേശം അടയാളപ്പെടുത്തുന്നത്‌ മൂത്രം, മലം തുടങ്ങിയവ കൊണ്ടാണ്‌. ഇതിൻ്റെ ഗന്ധം മൈലുകളോളമുണ്ടാകും.

ടാസ്മാനിയൻ ഡെവിൾ

ഒരു ചെറിയ നായയുടെ വലിപ്പമുള്ള ടാസ്മാനിയൻ ഡെവിൾ മാർസുപിയൽ (Marsupials) വംശത്തിൽപെടുന്നതാണ്‌. വംശനാശ ഭീഷണി നേരിടുന്ന ഇവ മുമ്പ് ഓസ്‌ട്രേലിയയുടെ പ്രധാന ഭൂപ്രദേശത്തിലുടനീളം ഉണ്ടായിരുന്നു, എന്നാൽ ഏകദേശം 3,500 വർഷങ്ങൾക്ക് മുമ്പ് അവിടെ വംശനാശം സംഭവിച്ചു. ഇപ്പോൾ ടാസ്മാനിയ ദ്വീപിൽ മാത്രമാണുള്ളത്‌. വേട്ടക്കാരിൽനിന്ന്‌ രക്ഷപ്പെടാൻ ഇവ പുറപ്പെടുവിക്കുന്ന ദ്രാവകം അതിരൂക്ഷ ഗന്ധമുള്ളതാണ്‌.

ബൊംബാർഡിയർ വണ്ട്

ഈ വണ്ട് ചൂടുള്ളതും ദുർഗന്ധമുള്ളതുമായ ഒരു രാസവസ്തു സ്പ്രേ ചെയ്യുന്നു. അത് വേട്ടക്കാരെ തുരത്തുക മാത്രമല്ല, ദേഹത്തായാൽ പൊള്ളലേൽക്കാനും സാധ്യതയുണ്ട്‌.

കസ്തൂരി കാള

ഇണചേരൽ സമയത്ത്, ആൺ കസ്തൂരി കാളകൾ സ്ത്രീകളെ ആകർഷിക്കുന്നതിനായി ശക്തമായ കസ്തൂരി ഗന്ധം പുറപ്പെടുവിക്കുന്നു. നല്ല ഗന്ധമുണ്ടെങ്കിൽ അത്രയും ശക്തൻ എന്നാണ്‌ സൂചന.

സ്‌ട്രിപ്പഡ്‌ പോൾകാറ്റ്

“ആഫ്രിക്കൻ സ്കങ്ക്” എന്നറിയപ്പെടുന്ന ഈ മൃഗം ഒരു സ്കങ്കിനെപ്പോലെ തീവ്രവും കഴുകാൻ പ്രയാസമുള്ളതുമായ ശക്തമായ ഗന്ധം പരത്തുന്നു.

ലെസ്സർ ആൻ്റീറ്റർ

ഈ ചെറിയ ആൻ്റീറ്റർ ഒരു സ്കങ്കിനേക്കാൾ നാലിരട്ടി ശക്തമായ ഗന്ധം പുറപ്പെടുവിക്കുന്നു. ഇത് വേട്ടക്കാരെ ഫലപ്രദമായി തടയുന്നു.