Kerala
ഹോളി ആഘോഷം; കുന്നംകുളത്ത് യുവാവിന്റെ തലയടിച്ചുപൊളിച്ചു
സംഭവത്തില്‍ രണ്ടുപേരെ കുന്നംകുളം പോലീസ് കസ്റ്റഡിയിലെടുത്തു
തൃശൂര്‍ | ഹോളി ആഘോഷത്തിനിടെ കുന്നംകുളം നഗരത്തിലെ നടുപ്പന്തിയില്‍ ഇതര സംസ്ഥാന തൊഴിലാളിയെ ബിയര്‍ കുപ്പികൊണ്ട് തലക്കടിച്ച് പരിക്കേല്‍പ്പിച്ചു. വാടക ക്വാര്‍ട്ടേഴ്‌സില്‍ താമസിക്കുന്ന ചത്തീസ്ഗഢ് സ്വദേശി പ്രഹ്ലാദ എന്നയാള്‍ക്കാണ് മര്‍ദ്ദനമേറ്റത്.
സംഭവത്തില്‍ രണ്ടുപേരെ കുന്നംകുളം പോലീസ് കസ്റ്റഡിയിലെടുത്തു. ഇയാളുടെ നില ഗുരുതരമാണ്. ഇന്നലെ വൈകിട്ട് ആറിന് ഇതര സംസ്ഥാന തൊഴിലാളികള്‍ തമ്മില്‍ വാടക ക്വാട്ടേഴ്‌സില്‍ ഏറ്റുമുട്ടലുണ്ടായി. സംഘര്‍ഷത്തിനിടെ ബിയര്‍ കുപ്പി കൊണ്ട് അടിയേറ്റാണ് പ്രഹ്ലാദയ്ക്ക് ഗുരുതരമായി പരിക്കേറ്റത്.ഇയാളെ കുന്നംകുളം ആംബുലന്‍സ് പ്രവര്‍ത്തകര്‍ ആദ്യം താലൂക്ക് ആശുപത്രിയിലും പിന്നീട് തൃശ്ശൂര്‍ മെഡിക്കല്‍ കോളേജ് ആശുപത്രിയിലും പ്രവേശിപ്പിച്ചു.
സംഭവത്തില്‍ ഒപ്പം താമസിക്കുന്ന ഛത്തീസ്ഗഢ് സ്വദേശികളായ രാജു കര്‍സാല്‍, രമണന്‍ എന്നിവരെ കുന്നംകുളം പോലീസ് കസ്റ്റഡിയിലെടുത്തു. കൂടുതല്‍ പ്രതികള്‍ക്കായി പോലീസ് അന്വേഷണം ആരംഭിച്ചു.
Latest
മര്‍ദനമേറ്റ തോട്ടം നടത്തിപ്പുകാരന്‍ കുഴഞ്ഞ് വീണ് മരിച്ചു
പത്തു ചാക്ക് ലഹരി പദാര്‍ഥങ്ങളുമായി കൊല്ലത്ത് ഒരാള്‍ പിടിയില്‍
സൈനിക ഡ്രോണുകളില്‍ ചൈനീസ് ഘടകങ്ങള്‍ക്ക് നിയന്ത്രണം; തദ്ദേശീയ ഉല്‍പന്നങ്ങളെ പ്രോത്സാഹിപ്പിക്കാന്‍ പ്രതിരോധ മന്ത്രാലയം
ബേങ്ക് ജീവനക്കാരുടെ രാജ്യവ്യാപക പണിമുടക്ക് മാര്‍ച്ച് 24, 25 തീയതികളില്‍
സംസ്ഥാനത്ത് ഇന്ന് ഏഴ് ജില്ലകളില്‍ മഴയ്ക്ക് സാധ്യത; മുന്നറിയിപ്പ്
ഇന്നും ചൂട് ഉയരും; 10 ജില്ലകളില്‍ യെല്ലോ അലര്‍ട്ട്
