Kerala
പൊതുജന ഭീഷണിയാകുന്ന പന്നികളെ കൊലപ്പെടുത്തുന്നവര്‍ക്കുള്ള ഓണറേറിയം വര്‍ധിപ്പിച്ചു; ജഡം സംസ്‌കരിക്കാന്‍ 2000 രൂപ
ഇത്തരം പ്രതിരോധ നടപടികള്‍ക്ക് വേണ്ടിവരുന്ന തുക സംസ്ഥാന ദുരന്ത പ്രതികരണ നിധിയില്‍ നിന്ന് ചിലവഴിക്കണമെന്ന് മുഖ്യമന്ത്രി പിണറായി വിജയന്‍ നിര്‍ദ്ദേശം നല്‍കിയിരുന്നു
തിരുവനന്തപുരം | പൊതുജനങ്ങളുടെ ജീവനും വസ്തു വകകള്‍ക്കും ഭീഷണിയാകുന്ന പന്നികളെ വെടിവെച്ച് കൊല്ലുന്നവര്‍ക്കുള്ള ഓണറേറിയം വര്‍ധിപ്പിച്ചു. പന്നികളെ കൊല്ലുവാന്‍ അംഗീകാരമുള്ള ഷൂട്ടര്‍മാര്‍ക്ക് അവയെ വെടിവെച്ച് കൊലപ്പെടുത്തിയാല്‍ 1500 രൂപ നിരക്കില്‍ ഓണറേറിയം ലഭിക്കും. ഇവയുടെ ജഡം സംസ്‌കരിക്കുന്നതിന് 2000 രൂപ ചെലവഴിക്കാം.
പന്നികളെ കൊലപ്പെട്ടുത്താന്‍ അംഗീകൃത ഷൂട്ടര്‍മാര്‍രെയാണ് പഞ്ചായത്തുകള്‍ ചുമതലപ്പെടുത്തിയിരിക്കുന്നത്. ചത്ത ജന്തുക്കളെ സംസ്‌കരിക്കുന്നതിനുള്ള തുകയും ഷൂട്ടര്‍മാര്‍ക്കുള്ള ഓണറേറിയവും പഞ്ചായത്തുകളുടെ ഫണ്ടില്‍ നിന്നാണ് നല്‍കി പോന്നിരുന്നത്. ഇത് പഞ്ചായത്തുകള്‍ക്ക് അധിക ബാധ്യത വരുത്തിയിരുന്നു.സംസ്ഥാന സവിശേഷ ദുരന്തമായി മനുഷ്യ- വന്യജീവി സംഘര്‍ഷം ഉള്‍പ്പെടുത്തിയ സാഹചര്യത്തില്‍ ഇത്തരം പ്രതിരോധ നടപടികള്‍ക്ക് വേണ്ടിവരുന്ന തുക സംസ്ഥാന ദുരന്ത പ്രതികരണ നിധിയില്‍ നിന്ന് ചിലവഴിക്കണമെന്ന് മുഖ്യമന്ത്രി പിണറായി വിജയന്‍ നിര്‍ദ്ദേശം നല്‍കിയിരുന്നു. ഇതിന്റെ അടിസ്ഥാനത്തിലാണ് ദുരന്ത നിവാരണ അതോറിറ്റിയുടെ എക്‌സിക്യൂട്ടീവ് കമ്മിറ്റി യോഗം തുക എസ് ഡി ആര്‍ എഫ് ഫണ്ടില്‍ നിന്ന് പഞ്ചായത്തുകള്‍ക്ക് അനുവദിക്കാന്‍ തീരുമാനിച്ചത്
Latest
രാജീവ് ചന്ദ്രശേഖര് ബി ജെ പിയുടെ ആദര്ശമുള്ളയാളാണെന്ന് കരുതുന്നില്ലെന്ന് വി ഡി സതീശന്
ഇസ്റാഈല് വ്യോമാക്രമണം; ഹമാസ് ഉന്നത നേതാവും ഭാര്യയും കൊല്ലപ്പെട്ടു
'താനിപ്പോഴുള്ളത് വല്ലാത്ത മാനസികാവസ്ഥയില്, തുറന്നുപറഞ്ഞാല് വിവാദമായേക്കും'; വികാരനിര്ഭര പ്രസംഗവുമായി കൊടിക്കുന്നില്
യു എ ഇയില് ഇലക്ട്രിക് വാഹന വിപണി മന്ദഗതിയില്
മയക്കുമരുന്ന് ശൃംഖല തകര്ത്ത് ദുബൈ
ലണ്ടനിലേക്കുള്ള വിമാന സര്വീസുകള് പുനരാരംഭിച്ചു
