pg doctors stricke
പി ജി ഡോക്ടര്‍മാര്‍ക്ക് പിന്തുണയുമായി ഹൗസ് സര്‍ജന്‍മാരും ഇന്ന് പണിമുടക്കും
പി ജി ഡോക്ടര്‍മാരുടെ സെക്രട്ടേറിയറ്റ് മാര്‍ച്ച് ഇന്ന്
തിരുവനന്തപുരം | സംസ്ഥനത്ത് പി ജി ഡോക്ടര്‍മാരുടെ സമരത്തിന് പിന്തുണ പ്രഖ്യാപിച്ച് ഹൗസ് സര്‍ജന്‍മാരും മെഡിക്കല്‍ കോളജ് അധ്യാപക സംഘടനകളും ഇന്ന് പണിമുടക്കും. അത്യാഹിത വിഭാഗങ്ങള്‍ ബഹിഷ്‌കരിച്ചാണ് പി ജി ഡോക്ടര്‍മാരുടെ സമരം. ഒ പി, ഐപി , മുന്‍കൂട്ടി നിശ്ചയിച്ച ശസ്ത്രക്രിയകള്‍ എന്നിവയും ബഹിഷ്‌കരിക്കും. വിവിധ വിഭാഗങ്ങള്‍ ഒരുമിച്ച് പണിമുടക്കുന്നത് മെഡിക്കല്‍ കോളജ് ആശുപത്രികളുടെ പ്രവര്‍ത്തനം കൂടുതല്‍ പ്രതിസന്ധിയിലാകുമെന്ന് ഉറപ്പാണ്. സംസ്ഥാനത്ത് കൊവിഡ് പ്രതിസന്ധി തുടരുന്നതിനിടെ ജനങ്ങള്‍ക്ക് ഇത് വലിയ ദുരിതമാകും സമ്മാനിക്കുക.
നേരത്തെ പണി മുടക്കുന്ന പി ജി ഡോക്ടര്‍മാര്‍ ഇന്ന് സെക്രട്ടേറിയറ്റിലേക്ക് മാര്‍ച്ച് നടത്തുമെന്ന് അറിയിച്ചിരുന്നു. കഴിഞ്ഞ ഒരാഴ്ചയിലേറെയായി കേരളത്തിലെ സര്‍ക്കാര്‍ മെഡിക്കല്‍ കോളജുകളിലെ പി ജി വിദ്യാര്‍ഥികള്‍ സമരത്തിലാണ്. സര്‍ക്കാര്‍ മെഡിക്കല്‍ കോളേജുകളിലെ ഡോക്ടര്‍മാരുടെ കുറവ് പരിഹരിക്കണമെന്നാവശ്യപ്പെട്ടാണ് ഡോക്ടര്‍മാര്‍ സമരം നടത്തുന്നത്.
പി ജി വിദ്യാര്‍ഥികളുടെ സമരം ഒത്തുതീര്‍പ്പാക്കണമെന്ന് ഇന്ത്യന്‍ മെഡിക്കല്‍ അസോസിയേഷനും അറിയിച്ചു. നീറ്റ് പിജി അലോട്മെന്റ് പ്രതിസന്ധി സംസ്ഥാന സര്‍ക്കാര്‍ കേന്ദ്രസര്‍ക്കാരിനെ അറിയിക്കണം. സര്‍ക്കാര്‍ മെഡിക്കല്‍ കോളേജുകളിലെ ഡോക്ടര്‍മാരുടെ കുറവ് പരിഹരിക്കാന്‍ നോണ്‍ അക്കാദമിക് ജൂനിയര്‍ റെസിഡന്റ് ഡോക്ടര്‍മാരെ നിയമിക്കാന്‍ വേണ്ട നടപടികള്‍ സ്വീകരിക്കണമെന്നും ഐ എം എ ആവശ്യപ്പെട്ടു.
Latest
പ്രവാസികളോടുള്ള അനീതി അവസാനിപ്പിക്കണം: ഡയസ്പോറ ഇന്‍ ഡല്‍ഹി മാധ്യമ സെമിനാര്‍
കൃത്യസമയത്ത് ഉചിതമായ ചികിത്സ ലഭിക്കാതെ യുവതി മരിച്ചെന്ന പരാതി; അന്വേഷണത്തിന് ഉത്തരവിട്ട്‌ മനുഷ്യാവകാശ കമ്മീഷന്‍
പഞ്ചസാരയ്‌ക്ക്‌ പകരം ഇവ ഉപയോഗിക്കാം; ആരോഗ്യം സംരക്ഷിക്കാം
നിയമ വിദ്യാര്‍ഥിനിയെ കാമുകനും കൂട്ടുകാരും കൂട്ടബലാത്സംഗം ചെയ്‌തു; പ്രതികള്‍ പിടിയില്‍
നിയമസഭാ തിരഞ്ഞെടുപ്പ്: മഹാരാഷ്ട്രയിലും ഝാര്‍ഖണ്ഡിലും പോളിംഗ് പുരോഗമിക്കുന്നു
സംസ്ഥാനത്ത് ശക്തമായ മഴയ്ക്ക് സാധ്യത; നാല് ജില്ലകളില്‍ യെല്ലോ അലര്‍ട്ട്
