കാഞ്ഞിരപ്പള്ളിയില്‍ കാര്‍ പോസ്റ്റിലിടിച്ച് വീട്ടമ്മ മരിച്ചു; അപകടം ആശുപത്രിയില്‍ നിന്നും ഡിസ്ചാര്‍ജ് ആയി മടങ്ങവെ

കോട്ടയം |  കാഞ്ഞിരപ്പള്ളി സവില്‍ സ്റ്റേഷന് സമീപം കാര്‍ ടെലിഫോണ്‍ പോസ്റ്റിലിടിച്ചുണ്ടായ അപകടത്തില്‍ വീട്ടമ്മ മരിച്ചു. കട്ടപ്പന സ്വദേശിനി പയ്യപ്പള്ളി വീട്ടില്‍ അമ്മിണി മാത്യുവാണ് മരിച്ചത്. പുലര്‍ച്ചെ 4.30 നായിരുന്നു അപകടം . കോട്ടയത്തെ ആശുപത്രിയില്‍ ചികിത്സയിലായിരുന്ന അമ്മിണിയെ ചികിത്സക്ക് ശേഷം തിരിച്ച് വീട്ടിലേക്ക് കൊണ്ടുപോകുന്ന വഴിയാണ് അപകടമുണ്ടായത്.

ഉടന്‍ തന്നെ അമ്മിണിയെ കാഞ്ഞിരപ്പള്ളിയിലെ സ്വകാര്യ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാന്‍ സാധിച്ചില്ല. അപകടത്തില്‍ സാരമായി പരുക്കേറ്റ അമ്മിണിയുടെ മകള്‍ ബ്ലെസി ആശുപതിയില്‍ ചികിത്സയിലാണ്. വാഹനം ഓടിച്ചിരുന്ന മകന്‍ ജേക്കബ് പരുക്കേല്‍ക്കാതെ രക്ഷപ്പെട്ടു. ഉറങ്ങിപ്പോയതാകാം അപകടത്തിന് കാരണമെന്നാണ് പ്രാഥമിക നിഗമനം