sabarimala pigrimage
ശബരിമലയില്‍ വന്‍ ഭക്തജനത്തിരക്ക്
ചിലഭാഗങ്ങളില്‍ ഭക്തര്‍ ബാരിക്കേഡുകള്‍ മുറിച്ചു കടന്നു.
പമ്പ | ശബരിമലയില്‍ വന്‍ ഭക്തജനത്തിരക്ക്. പതിനായിരക്കണക്കിന് ഭക്തരാണ് സന്നിധാനത്തെത്തിയത്. രാവിലെ മലചവിട്ടിയ പലര്‍ക്കും ദര്‍ശനം പൂര്‍ത്തിയാക്കാന്‍ സാധിച്ചില്ല.
ചിലഭാഗങ്ങളില്‍ ഭക്തര്‍ ബാരിക്കേഡുകള്‍ മുറിച്ചു കടന്നു. നടപ്പന്തലുകള്‍ ഭക്തരെ കൊണ്ട് നിറഞ്ഞു കവിഞ്ഞു. കഴിഞ്ഞ ദിവസം രാവിലെ ആറ് മണിക്ക് പമ്പയില്‍ നിന്നു മല കയറിയവര്‍ക്ക് ദര്‍ശനം നടത്താന്‍ സാധിച്ചിട്ടില്ല.
മണിക്കൂറുകളോളമാണ് ഭക്തര്‍ ക്യൂവില്‍ നില്‍ക്കുന്നത്. ശബരിമലയിലെ തിരക്ക് നിയന്ത്രിക്കാന്‍ ക്യൂ കോംപ്ലക്‌സ് പ്രവര്‍ത്തിപ്പിച്ച് തുടങ്ങിയെങ്കിലും നിലവിലെ അവസ്ഥയ്ക്ക് മാറ്റമില്ല. മരക്കൂട്ടത്തിനും ശരംകുത്തിക്കും ഇടയിലാണ് ക്യൂ കോംപ്ലക്‌സ് സ്ഥാപിച്ചിരിക്കുന്നത്. നിര്‍മ്മാണം പൂര്‍ത്തിയാക്കിയ ശേഷം എട്ട് വര്‍ഷത്തോളം ഉപയോഗിക്കാതെ കിടന്ന 18 ഹാളുകളാണ് ഇത്തവണ തിരക്ക് നിയന്ത്രിക്കാന്‍ ഉപയോഗിക്കുന്നത്.
കുട്ടികളും വൃദ്ധരും തളരുന്ന അവസ്ഥയുണ്ടായി. ആവശ്യത്തിന് ആംബുലന്‍സുകളില്ല. ദേവസ്വം ബോര്‍ഡിന്റെ ആംബുലന്‍സ് തകരാറിലാണ്. നിലവിലുള്ളത് വനം വകുപ്പിന്റെ ആംബുലന്‍സ് മാത്രം. അടിയന്തര ഘട്ടത്തില്‍ സന്നിധാനത്തേക്ക് ആംബുലന്‍സ് എത്തുന്നത് ചരല്‍മേട്ടില്‍ നിന്നുമാണ്.
Latest
ക്യാമ്പസ് റാഗിംഗ് തടയുന്നതിന് നടപടികള്‍ കര്‍ശനമാക്കാന്‍ മെഡിക്കല്‍ കോളേജുകള്‍ക്ക് എന്‍ എം സി നിര്‍ദ്ദേശം
ക്യു എസ് വേള്‍ഡ് റാങ്കിങ്ങില്‍ ഐ ഐ ടി ഡല്‍ഹി
ഇക്കൊല്ലം ഗൂഗിളില്‍ ഏറ്റവും കൂടുതല്‍ തിരഞ്ഞ ഇന്ത്യന്‍ വിനേഷ് ഫോഗട്ട്
മാരുതിക്കും ഹ്യുണ്ടായിക്കും പുറമേ ടാറ്റയും വാഹനവില കൂട്ടുന്നു
തോട്ടട ഐ ടി ഐ: പ്രതിരോധത്തിന്റെ മാര്‍ഗം കുട്ടികള്‍ സ്വീകരിച്ചാല്‍ കെ പി സി സി സംരക്ഷണം ഒരുക്കുമെന്ന് കെ സുധാകരന്‍
ഭിന്നത, വാഗ്വാദം : തീരുമാനമാകാതെ പിരിഞ്ഞ് ഇ കെ മുശാവറ
