സ്വർണവിലയിൽ വൻ ഇടിവ്; പവന് 72,120 രൂപ: ഒറ്റയടിക്ക് കുറഞ്ഞത് 2200 രൂപ

കൊച്ചി | സംസ്ഥാനത്ത് ഇന്ന് സ്വര്‍ണവിലയില്‍ വന്‍ കുറവ്.പവന്‍ 2200 രൂപ കുറഞ്ഞ് 72,120 രൂപയായി.ഇന്നലെ 2200 രൂപ വര്‍ദ്ധിച്ച് പവന് ഏറ്റവുമുയര്‍ന്ന വിലയായ 74,320 രൂപയായിരുന്നു.ഇന്നലെ വര്‍ധിച്ച 2200 രൂപയാണ് അതേപോലെ കുറഞ്ഞത്.

ഗ്രാമിന് 275 രൂപ കുറഞ്ഞ് 9015 രൂപയായി.അതേസമയം വെള്ളിയുടെ വിലയില്‍ മാറ്റമില്ല.രാജ്യാന്തര വിപണിയില്‍ സ്വര്‍ണവിലയിലുണ്ടാകുന്ന മാറ്റമാണ് കേരളത്തിലും പ്രതിഫലിക്കുന്നത്.

യുഎസ് ഡോളറിന്റെ മൂല്യം ദുര്‍ബലമായതും സുരക്ഷിത നിക്ഷേപമെന്ന നിലയില്‍ സ്വര്‍ണം മാറിയതുമാണ് സ്വര്‍ണവില വര്‍ധനവിനുള്ള കാരണമായി പറയുന്നത്.