National
ശ്രീനഗറില്‍ ഗ്യാസ് സിലിണ്ടറില്‍ ഘടിപ്പിച്ച ഐഇഡികള്‍ കണ്ടെത്തി; സുരക്ഷാസേന നിര്‍വീര്യമാക്കി
സുരക്ഷാ സേനയുടെ ഇടപെടല്‍ വന്‍ ദുരന്തം ഒഴിവാകാന്‍ കാരണമായെന്ന് അധികൃതര്‍ വ്യക്തമാക്കി.
ശ്രീനഗര്‍| ജമ്മു കാശ്മീരിലെ ശ്രീനഗറില്‍ ഗ്യാസ് സിലിണ്ടറില്‍ ഘടിപ്പിച്ച ഇംപ്രൊവൈസ്ഡ് എക്സ്പ്ലോസീവ് ഉപകരണങ്ങള്‍ (ഐ.ഇ.ഡി) കണ്ടെത്തി. ലവാപോരയില്‍ നിന്നാണ് ഉപകരണം കണ്ടെത്തിയത്. രാഷ്ട്രീയ റൈഫിള്‍സ്, സെന്‍ട്രല്‍ റിസര്‍വ് പോലീസ് ഫോഴ്‌സ്, ജമ്മു കാശ്മീര്‍ പോലീസ് എന്നിവരടങ്ങുന്ന സംയുക്ത സംഘം നടത്തിയ പരിശോധനയിലാണ് ഐഇഡി ഘടിപ്പിച്ച നിലയില്‍ ഗ്യാസ് സിലിണ്ടര്‍ കണ്ടെത്തിയത്. ഇവ സുരക്ഷാസേന നിര്‍വീര്യമാക്കിയതായി ഔദ്യോഗിക വൃത്തങ്ങള്‍ അറിയിച്ചു.
സുരക്ഷാ സേനയുടെ ഇടപെടല്‍ വന്‍ ദുരന്തം ഒഴിവാകാന്‍ കാരണമായെന്ന് അധികൃതര്‍ വ്യക്തമാക്കി. കഴിഞ്ഞ മാസം ജമ്മുവിലെ നര്‍വാള്‍-സിദ്ര ഹൈവേയില്‍ പോലീസ് ചെക്ക് പോയിന്റിന് സമീപം ടിഫിന്‍ ബോക്‌സിനുള്ളില്‍ ഘടിപ്പിച്ച രണ്ട് കിലോ ഭാരമുള്ള ടൈമര്‍ അധിഷ്ഠിത ഐഇഡികള്‍ പോലീസ് കണ്ടെത്തിയിരുന്നു. ഇവ ബോംബ് സ്‌ക്വാഡും പോലീസ് സംഘവും ചേര്‍ന്ന് നീക്കം ചെയ്യുകയായിരുന്നു.
Latest
വേട്ടയാടലും ഭീഷണിയും തന്നോട് വേണ്ട; ഫേസ് ബുക്ക് പോസ്റ്റുമായി മന്ത്രി സജി ചെറിയാന്
ഹജ്ജ് കമ്മിറ്റി അംഗങ്ങളായി; ചെയര്മാന് തിരഞ്ഞെടുപ്പ് ഉടന്
പെണ്മക്കളെ പീഡിപ്പിച്ച കേസില് അച്ഛനെ രാജാക്കാട് പോലീസ് അറസ്റ്റ് ചെയ്തു
കാട്ടാന വനപാലകരുടെ ജീപ്പ് മറിച്ചിട്ടു;രണ്ടുപേര്ക്ക് പരിക്ക്
സന്നിധാനത്ത് ഇതുവരെ പിടികൂടിയത് 33 പാമ്പുകളെ
പുഴയില് രണ്ടാംവട്ടം ചാടി ഗൃഹനാഥന് ജീവനൊടുക്കി
