കരളേ നിന്നെ കാണാതിരുന്നാല്‍...

മനുഷ്യന്‍റെ ആരോഗ്യസംരക്ഷണത്തിന് കരളിനെ ആരോഗ്യകരമയി നിലനിര്‍ത്തേണ്ടതുണ്ട്. അതിനൊപ്പം വിവിധ തരം കരള്‍ രോഗങ്ങളേയും അവയുടെ വ്യാപനത്തേയും കുറിച്ച് ബോധവാന്മാരേകേണ്ടതും ആവശ്യമാണ്‌. ഈ സന്ദേശം ലോകമെങ്ങും പ്രചരിപ്പിക്കുന്നതിനായാണ് ഏപ്രിൽ 19 ലോക കരള്‍ ദിനമായി ആചരിക്കുന്നത്.

ഭക്ഷണം ദഹിപ്പിക്കുന്ന ശരീരത്തിലെ മാലിന്യങ്ങള്‍ നീക്കം ചെയ്യാനും‌ രക്തയോട്ടം മെച്ചപ്പെടുത്താനും സഹായിക്കുന്ന കരൾ മനുഷ്യ ശരീരത്തിൻ്റെ അവിഭാജ്യ ഘടകമാണ്. നമ്മുടെ ജീവിതശൈലിയിയിലുള്ള വ്യതിയാനങ്ങള്‍ കാരണമാവാം‌ ഇക്കാലത്ത് കരൾ രോഗങ്ങൾ എന്നത്തേക്കാളും കൂടുതലായി മാറിയിരിക്കുന്നു. പ്രത്യേകിച്ച് ഫാറ്റി ലിവർ രോഗങ്ങൾ. അനിയന്ത്രിതമായാൽ, ഫാറ്റി ലിവർ രോഗങ്ങൾ സ്ഥിരമായ കരൾ തകരാറിന് കാരണമാകും. അതിനാൽ, ഫാറ്റി ലിവറിൻ്റെ ആദ്യകാല ലക്ഷണങ്ങളും രോഗ ലക്ഷണങ്ങളും ശ്രദ്ധിക്കേണ്ടത് പ്രധാനമാണ്.

ഫാറ്റിലിവറിന്‍റെ ലക്ഷണങ്ങള്‍ അത്ര സുവ്യക്തമായിരിക്കണമെന്നില്ല എന്നാണ് വിദഗ്ധാഭിപ്രായം. എന്നാല്‍ എത്രയും പെട്ടെന്ന് രോഗം കണ്ടുപിടിക്കേണ്ടതുള്ളതിനാല്‍ സൂക്ഷ്മമായ വ്യതിയാനങ്ങളേയും അവഗണിക്കരുതെന്ന് ഡോക്ടർമാർ പ്രത്യേകം ഓര്‍മ്മപ്പെടുത്തുന്നുണ്ട്.

ഫാറ്റി ലിവറിന്‍റെ ലക്ഷണങ്ങള്‍:

• ഒന്ന്: മൂത്രം കടുത്ത മഞ്ഞ നിറത്തിലാവുകയും ഒഴിക്കുമ്പോള്‍ അസ്വസ്ഥത അനുഭവപ്പെടുകയും ചെയ്യുക
• രണ്ട് : പ്രത്യേകിച്ചൊരു കാരണം പറയാനില്ലാതെയുള്ള ശരീരഭാരം കുറയൽ. അപ്രതീക്ഷിതമായ ശരീരഭാരം കുറയുന്നത്, പ്രത്യേകിച്ച് ഭക്ഷണക്രമത്തിലോ വ്യായാമത്തിലോ മാറ്റങ്ങളില്ലെങ്കിൽ, ഫാറ്റി ലിവർ ഡിസീസ് ഉൾപ്പെടെയുള്ള കരൾ പ്രവർത്തന വൈകല്യമാവാം‌.
• മൂന്ന് അടിവയററിലെ അസ്വസ്ഥതകള്‍. വേദനയും കട്ടിയായതുപോലെ ഭാരം‌ അനുഭവപ്പെടുകയും ചെയ്യുക. ഇതും ഫാറ്റിലിവര്‍ സൂചനയായി പരിഗണിച്ച് ചികിത്സ തേടേണ്ടതാണ്.
• ഇടക്കിടെ വരുന്ന ഛര്‍ദ്ദി. പെട്ടെന്നും കാരണങ്ങളില്ലാതെയും വരുന്ന ഛര്‍ദ്ദി കരള്‍ രോഗത്തിന്‍റെ സൂചനകളിലൊന്നാണ്.
  മറ്റു പല രോഗങ്ങളിലും സമാന ലക്ഷണങ്ങള്‍ കാണാമെങ്കിലും ഈ സൂചനകളെ അവഗണിക്കുന്നത് അപകടകരമാവും‌.

സിറോസിസ് ഫാറ്റിലിവറിന്‍റെ ഉന്നത ഘട്ടമാണ്. കരളില്‍ പാടുകള്‍ വീഴുന്ന ഈ ഘട്ടം ഏറെ ഗുരുതരമാണ്. രണ്ടു തരം സിറോസിസുകളാണ് ഈ ഘട്ടത്തില്‍ കരളിനെ ബാധിക്കുന്നത്
ഒന്ന്, ആള്‍ക്കഹോള്‍ അഥവാ അമിതമായ മദ്യപാനം കൊണ്ടുണ്ടാകുന്നത്.
മറ്റൊന്ന്, നോണ്‍ ആള്‍ക്കഹോളിക് അതായത് മദ്യേതര കരള്‍ രോഗങ്ങൾ.

ആല്‍ക്കഹോളിക് ലിവര്‍ സിറോസിസ്

കരളിന്‍റെ രോഗങ്ങളെക്കുറിച്ചു പറയുമ്പോള്‍ പ്രധാന ശത്രുവായ മദ്യത്തെക്കുറിച്ചു എടുത്തു പറയാതെ വയ്യ. എങ്ങനെയാണ് മദ്യം ഇത്രയേറെ അപകടകാരിയാവുന്നത് , അത് മനുഷ്യന്‍റെ കരളിനോട് ചെയ്യുന്നതെന്താണ് എന്ന് നോക്കാം.

മനുഷ്യശരീരത്തിന്‍റെ നിലനില്‍പിനാധാരമായ
500-ലധികം പ്രവർത്തനങ്ങൾ കരള്‍ നിര്‍വഹിക്കുന്നുണ്ട്. രക്തത്തിലെ വിഷവസ്തുക്കളെ ഫിൽട്ടർ ചെയ്യുക, ഊർജ്ജം സംഭരിക്കുക, ഹോർമോണുകളും പ്രോട്ടീനുകളും സമന്വയിപ്പിക്കുക, കൊളസ്ട്രോളിൻ്റെയും രക്തത്തിലെ പഞ്ചസാരയുടെയും അളവ് നിയന്ത്രിക്കുക എന്നിവ അതിൻ്റെ പ്രധാന പ്രവർത്തനങ്ങളിൽ ഉൾപ്പെടുന്നു.

കരളിൽ വെച്ചു മദ്യം വിഘടിക്കുന്നതിനാൽ, അസറ്റാൽഡിഹൈഡും ഫ്രീ റാഡിക്കലുകൾ എന്നറിയപ്പെടുന്ന ഉയർന്ന പ്രതിപ്രവർത്തന തന്മാത്രകളും പോലെ അപകടകരമായേക്കാവുന്ന നിരവധി ഉപോൽപ്പന്നങ്ങൾ ഉത്പാദിപ്പിക്കപ്പെടുന്നു. ഒരുപക്ഷേ മദ്യത്തേക്കാൾ കൂടുതലായി, ഈ ഉപോൽപ്പന്നങ്ങൾ മദ്യം മൂലമുണ്ടാകുന്ന കരൾ തകരാറിന് കാരണമാകുന്നു. ഓരോ തവണയും കരൾ മദ്യം ഫിൽട്ടർ ചെയ്യുമ്പോൾ കരൾ കോശങ്ങളിൽ ചിലത് നശിക്കുന്നുണ്ട്. ഈ കോശങ്ങള്‍ക്ക് സ്വയം പുനരുജ്ജീവിപ്പിക്കാൻ കഴിവുണ്ടെങ്കിലും, വർഷങ്ങളോളം നീണ്ടുനിൽക്കുന്ന മദ്യപാനം അതിൻ്റെ പുനരുജ്ജീവിപ്പിക്കാനുള്ള കഴിവ് കുറയ്ക്കുകയും ക്രമേണ ഇല്ലാതാക്കുകയും ചെയ്യും‌.

നോണ്‍ ആള്‍ക്കഹോളിക്ക് സിറോസിസ്:

പ്രധാന കാരണം ജീവിതശൈലി തന്നെയാണ്. പഞ്ചസാരയും‌ കൊഴുപ്പും കൃത്രിമ വര്‍ണ്ണങ്ങളും രുചികാരകങ്ങളും ചേര്‍ത്ത ഫാസ്റ്റ് ഫുഡ്ഡുകളുടെ നിരന്തര ഉപയോഗവും വ്യായാമമില്ലായ്മയും കരളിനെ പ്രതിസന്ധിയിലാക്കുന്നിടത്താണ് സിറോസിസിലെത്തുന്നത്. വൈറസ് രോഗങ്ങളായ വിവിധ ഹെപ്പറ്റൈറ്റിസ് ഇനങ്ങളും കരളിനെ ബാധിക്കാറുണ്ട്.

കരളിൽ ഹെപ്പറ്റൈറ്റിസ് ബി വൈറസ് (HBV) മൂലമുണ്ടാകുന്ന ഒരു വൈറൽ അണുബാധയാണ് ഹെപ്പറ്റൈറ്റിസ് ബി. ഹെപ്പറ്റൈറ്റിസ് ബി നിശിതമോ വിട്ടുമാറാത്തതോ ആകാം. അക്യൂട്ട് ഹെപ്പറ്റൈറ്റിസ് ബിക്ക് പൊതുവെ ചികിത്സ ആവശ്യമില്ല. കരൾ കാൻസറും സിറോസിസും ആണ് ഹെപ്പറ്റൈറ്റിസ് ബിയുടെ ദീർഘകാല രൂപങ്ങൾ. സെൻ്റർസ് ഫോർ ഡിസീസ് കൺട്രോൾ പ്രിവൻഷൻ (സിഡിസി) അനുസരിച്ച്, എച്ച്ബിവി ബാധിച്ച മുതിർന്നവരിൽ രണ്ടു മുതല്‍ ആറ് ശതമാനം വരെ പേർക്ക് ക്രോണിക് ഹെപ്പറ്റൈറ്റിസ് ബി അണുബാധ ബാധിക്കാം . ഹെപ്പറ്റൈറ്റിസ് ബി വൈറസിനെ എ മുതൽ ജെ വരെയുള്ള ജനിതകരൂപങ്ങളായി തരംതിരിച്ചിരിക്കുന്നു. ഇന്ത്യൻ ജനസംഖ്യയിൽ ഏറ്റവും സാധാരണമായ ജനിതകരൂപം ഡി, തുടർന്ന് എ, സി എന്നിവയാണ്. ഹെപ്പറ്റൈറ്റിസ് വൈറസ് നിങ്ങളുടെ കരളിൽ വീക്കം ഉണ്ടാക്കുന്നു, അത് അറിയാതെ മറ്റുള്ളവരിലേക്കും പകരാം. അണുബാധ വിട്ടുമാറാത്തതും ദീർഘകാലത്തേക്ക് രോഗനിർണയം നടത്താത്തതുമാണെങ്കിൽ, അത് മാറ്റാനാവാത്ത കരൾ തകരാറിലേക്ക് നയിച്ചേക്കാം.

എന്താണ് പരിഹാരം?

തുടര്‍ച്ചയായി അമിതമായി മദ്യപിക്കുന്നവര്‍ മദ്യപാനം കുറയ്ക്കുകയോ നിർത്തുകയോ ചെയ്യുന്നത് കരളിനും മൊത്തത്തിലുള്ള ആരോഗ്യത്തിനും പ്രധാനപ്പെട്ട ഹ്രസ്വവും ദീർഘകാലവുമായ ഗുണങ്ങൾ നൽകും.

നോണ്‍ ആള്‍ക്കഹോളിക് സിറോസിസിന്‍റെ ചികിത്സ രോഗം എത്രത്തോളം പുരോഗമിച്ചു എന്നതിനെ അടിസ്ഥാനമാക്കിയുള്ളതാണ്. ചിട്ടയായ വ്യായാമം, ആരോഗ്യകരമായ ഭക്ഷണക്രമം, ഭാരം നിയന്ത്രിക്കുക, രക്തത്തിലെ പഞ്ചസാരയും കൊളസ്‌ട്രോളും നിയന്ത്രണത്തിലാക്കുക തുടങ്ങിയ ജീവിതശൈലി പരിഷ്‌ക്കരണങ്ങളാണ് ഈ അവസ്ഥയെ നിയന്ത്രിക്കുന്നതിനുള്ള അടിസ്ഥാനശില. കഠിനമായ liverകേസുകളിൽ കരൾ മാറ്റിവയ്ക്കൽ ആവശ്യമായി വന്നേക്കാം.

മറ്റുരോഗ നിര്‍ണ്ണയ ചികിത്സകള്‍ക്കിടയിലാണ് അധികവും കരള്‍ രോഗങ്ങള്‍ കണ്ടെത്താറ്. അതിനാല്‍ ഇടക്ക് എപ്പോഴെങ്കിലും‌
പ്രാഥമിക പരിശോധകള്‍ക്കായി ലിവര്‍ ഫംഗ്ഷനിംഗ് ടെസ്റ്റ് നടത്തുന്നത് നന്നാവും‌.

വിവരങ്ങൾക്ക് കടപ്പാട്: വിവിധ മെഡിക്കല്‍ വെബ്സൈറ്റുകള്‍