ഇത് കേട്ടാൽ പച്ചമുളകിന് അത്ര എരിവില്ലെന്ന് തോന്നും...

പച്ചമുളക് ഒഴിവാക്കി ഒരു കറി പോലും ചിന്തിക്കാൻ കഴിയാത്തവരാണ് മലയാളികൾ. കറികളിൽ ഉപയോഗിച്ച് തുടങ്ങി ഇപ്പോൾ പച്ച മുളക് അച്ചാർ വരെ എത്തിയിരിക്കുന്നു മലയാളിയുടെ പച്ചമുളക് പ്രേമം. പച്ചമുളക് ഹൽവയും പച്ചമുളക് ജാമും ഒക്കെ ഇപ്പോൾ കടകളിൽ ലഭ്യമാണ് . എന്നാൽ പച്ചമുളകിന്റെ എരിവിനോട് ആർക്കും അത്ര താൽപര്യമില്ല. ആ എരിവിനോടുള്ള ദേഷ്യം പോലും പമ്പ കടക്കും ഈ ഗുണങ്ങൾ കേട്ടാൽ. നമ്മൾ എരിവിന് മാത്രം ഉപയോഗിക്കുന്ന പച്ചമുളകിന് ധാരാളം ഗുണങ്ങൾ ഉണ്ടെന്ന കാര്യം അറിയാമോ? എന്തൊക്കെയാണ് ആ ഗുണങ്ങൾ എന്ന് നോക്കാം.

ആന്റി ഇൻഫ്ലമേറ്ററി ഗുണങ്ങൾ

• മുളകിന് ആന്റി ഇൻഫ്ളമേറ്ററി ഗുണങ്ങൾ ഉണ്ട്.  ഇത് കുടൽ വീക്കം പോലുള്ള പ്രശ്നങ്ങൾ കുറയ്ക്കുകയും, സമീകൃത ദഹന മൈക്രോബയോമിനെ പിന്തുണയ്ക്കുകയും ചെയ്യും.

ചർമ്മത്തിന് ഗുണം ചെയ്യും

• വിറ്റാമിൻ സി, ക്യാപ്‌സൈസിൻ (ആൻറി-ഇൻഫ്ലമേറ്ററി ഗുണങ്ങളുള്ളതും രക്തചംക്രമണം മെച്ചപ്പെടുത്തുന്നതുമായ ഒരു സജീവ ഘടകം) എന്നിവയാൽ സമ്പുഷ്ടമായതിനാൽ, പച്ചമുളക് ചർമ്മത്തിന് വളരെയധികം ഗുണം ചെയ്യുകയും ഹൃദയആരോഗ്യവും രക്തസമ്മർദ്ദവും മെച്ചപ്പെടുത്താ‍ന്‍ സഹായിക്കുകയും ചെയ്യും.

കാഴ്ചശക്തി മെച്ചപ്പെടുത്തുന്നു

• പച്ചമുളകിലെ വൈറ്റമിൻ എയ്ക്ക്  കാഴ്ച മെച്ചപ്പെടുത്താനുള്ള കഴിവുണ്ട്. ഇതോടൊപ്പം പച്ചമുളകിൽ കണ്ണിന്റെ ആരോഗ്യത്തെ പിന്തുണയ്ക്കുന്ന വിവിധ ഘടകങ്ങളും അടങ്ങിയിട്ടുണ്ട്.

ദഹനം മെച്ചപ്പെടുത്തുന്നു

• വിറ്റാമിൻ സി, അസ്കോർബിക് ആസിഡ് എന്നും അറിയപ്പെടുന്നു. ദഹനം മെച്ചപ്പെടുത്താനും രോഗപ്രതിരോധ ശേഷി ശക്തിപ്പെടുത്താനും സഹായിക്കുന്നു. പച്ചമുളകിൽ കാൽസ്യത്തിൻ്റെ അളവ് ഏകദേശം 18% ആണ്. കൂടാതെ, പച്ചമുളകിൻ്റെ എരിവ് കാരണം, അധിക ഉമിനീർ പുറത്തുവിടുന്നു, ഇത് ഭക്ഷണത്തിൻ്റെ ദഹനം വർദ്ധിപ്പിക്കുന്നു.

ഭാരം കുറയ്ക്കുന്നു

• പച്ചമുളകിൽ കലോറിയുടെ അളവ് വളരെ കുറവായതിനാൽ, അത് ശരീരഭാരം വർദ്ധിപ്പിക്കില്ല. കൂടാതെ, ഇത് മെറ്റബോളിസം വർദ്ധിപ്പിക്കുകയും ശരീരത്തിലെ അധിക കൊഴുപ്പ് കത്തിക്കാൻ ശരീരത്തെ അനുവദിക്കുകയും ശരീരത്തിൽ ഭാരം കുറയ്ക്കുകയും ചെയ്യുന്നു.

മാനസിക സമ്മർദ്ദം കുറയ്ക്കുന്നു

• എരിവുള്ള ഭക്ഷണം എൻഡോർഫിൻ, ഡോപാമൈൻ എന്നിവ പുറത്തുവിടുന്നതിനാൽ പച്ചമുളക്  കഴിക്കുന്നത് സന്തോഷകരമായ മാനസികാവസ്ഥയിലേക്ക് നയിക്കും. ഇതിന് പിന്നിലെ പ്രധാന കാരണം മനസ്സിനെ ഉന്മേഷവും പോസിറ്റീവും നിലനിർത്താൻ വളരെയധികം സഹായിക്കുന്ന ക്യാപ്‌സൈസിനിലെ ആൻ്റീഡിപ്രസൻ്റ് ഗുണങ്ങളാണ്. ഇതിനാൽ തന്നെ നിങ്ങൾക്ക് സമ്മർദ്ദം കുറയുകയും ചെയ്യും.

പച്ചമുളക് ഇത്രയും ഗുണങ്ങൾ കേട്ടപ്പോൾ ഇനി ധാരാളം പച്ചമുളക് ഭക്ഷണത്തിൽ ഉൾപ്പെടുത്തിയേക്കാം എന്നാണ് കരുതുന്നതെങ്കിൽ ഇതിന് ധാരാളം പാർശ്വഫലങ്ങളും ഉണ്ട്. അമിതമായാൽ അമൃതും വിഷം എന്നാണല്ലോ. പച്ചമുളക് അമിതമായി കഴിച്ചാൽ വയറുവേദന അൾസർ പോലുള്ള പ്രശ്നങ്ങൾ ഉണ്ടായിരിക്കും.അതിനാൽ തന്നെ ആവശ്യമായ അളവിൽ മാത്രമേ പച്ചമുളക് ഭക്ഷണത്തിൽ ഉൾപ്പെടുത്താൻ പാടുള്ളൂ.