ഗസ്സയിൽ നവജാത ശിശുക്കൾ ഉൾപ്പെടെ കൊല്ലപ്പെട്ടു

ഗസ്സ | ദാർ അൽ ബലാഹിൽ വ്യോമാക്രമണത്തിൽ ആറ് പേർ കൂടി കൊല്ലപ്പെട്ടതോടെ ഗസ്സയിൽ ഇസ്‌റാഈൽ ആക്രമണത്തിൽ കൊല്ലപ്പെട്ടവരുടെ എണ്ണം 25 ആയി ഉയർന്നു. ദാർ അൽ ബലാഹിൽ കൊല്ലപ്പെട്ട ആറ് പേരിൽ രണ്ട് നവജാത ശിശുക്കളുമുണ്ട്.

അധിനിവിഷ്ട വടക്കൻ വെസ്റ്റ്ബാങ്കിലെ നബ്‌ലുസിൽ വെടിയേറ്റ് 18കാരൻ കൊല്ലപ്പെട്ടു. നബ്‌ലുസിന് വടക്കുപടിഞ്ഞാറ് ദാർ ശറഫ് നഗരത്തിന് സമീപമുള്ള ചെക്ക്‌പോയിന്റിലാണ് ഇസ്‌റാഈൽ സൈനികർ 18കാരന് നേരെ വെടിയുതിർത്തത്.
ബൈത്ത് ഹനൂനിൽ അഭയാർഥികൾ താമസിക്കുന്ന സ്‌കൂളും താത്കാലിക ഷെൽട്ടറുകളും വളഞ്ഞ സൈന്യം ഇവരോട് തെക്ക് ഭാഗത്തേക്ക് പലായനം ചെയ്യാൻ ഉത്തരവിട്ടു.