konni medical college
കോന്നി മെഡി.കോളജില്‍ ഈ വർഷം തന്നെ എം ബി ബി എസ് പഠനാനുമതി ലഭിക്കാനുള്ള പ്രവർത്തനങ്ങൾ ഊർജിതം
100 സീറ്റില്‍ എം ബി ബി എസ് പഠനത്തിന് അനുമതി നേടിയെടുക്കുകയാണ് ലക്ഷ്യം.
പത്തനംതിട്ട | കോന്നി മെഡി.കോളജില്‍ ഈ അധ്യയന വര്‍ഷം തന്നെ എം ബി ബി എസ് പഠന അനുമതി ലഭിക്കുന്നതിനുള്ള പ്രവര്‍ത്തനങ്ങളാണ് സംസ്ഥാന സര്‍ക്കാറിന്റെ നേതൃത്വത്തില്‍ നടത്തി വരുന്നതെന്ന് കെ യു ജനീഷ് കുമാര്‍ എം എല്‍ എ പറഞ്ഞു. മെഡി. കോളജിന്റെ പ്രവര്‍ത്തന പുരോഗതിയും ആരോഗ്യ മന്ത്രിയുടെ നിര്‍ദേശങ്ങളിലെ തുടര്‍ നടപടികളും വിലയിരുത്തുന്നതിന് ജില്ലാ കലക്ടര്‍ ഡോ. ദിവ്യ എസ് അയ്യരുടെ സാന്നിധ്യത്തില്‍ ചേര്‍ന്ന യോഗത്തില്‍ സംസാരിക്കുകയായിരുന്നു എം എല്‍ എ.
ഹോസ്റ്റല്‍, ക്വാര്‍ട്ടേഴ്‌സ് എന്നിവയുടെ നിര്‍മാണം ത്വരിതവേഗത്തില്‍ നടന്നു വരികയാണ്. അടിയന്തരമായി നിര്‍മാണം പൂര്‍ത്തിയാക്കും. കിഫ്ബിയില്‍ നിന്ന് അനുവദിച്ച 241 കോടി രൂപ വിനിയോഗിച്ചാണ് രണ്ടാം ഘട്ട നിര്‍മാണ പ്രവര്‍ത്തനങ്ങള്‍ നടക്കുന്നത്. ലേബര്‍ റൂം, ഓഫ്തല്‍മോളജി, ബ്ലഡ് ബേങ്ക് എന്നിവക്ക് 86 ലക്ഷം രൂപ അനുവദിച്ചിട്ടുണ്ട്. 200 കിടക്കകളുള്ള ആശുപത്രി കെട്ടിടം, അക്കാദമിക് ബ്ലോക്കിന്റെ തുടര്‍ പ്രവൃത്തികള്‍, ഹോസ്റ്റലുകള്‍, സ്റ്റാഫ് ക്വാര്‍ട്ടേഴ്‌സുകള്‍, ഓഡിറ്റോറിയം, ഓട്ടോപ്‌സി കെട്ടിടം, ഡീന്‍വില്ല തുടങ്ങിയവയാണ് രണ്ടാം ഘട്ടത്തില്‍ ഉള്‍പ്പെടുത്തിയിട്ടുള്ളത്. ഹോസ്റ്റല്‍ കെട്ടിടങ്ങളുടെ പണികള്‍ ഊര്‍ജിതമായി നടക്കുന്നു. ജതന്‍ കണ്‍സ്ട്രക്ഷന്‍സ് ആണ് നിര്‍മാണം നടത്തുന്നത്.
ശുദ്ധജല പദ്ധതി, ഓക്‌സിജന്‍ നിര്‍മാണ പ്ലാന്റ്, എക്‌സ്‌റേ യൂണിറ്റ്, ആധുനിക നിലവാരത്തിലുള്ള ലബോറട്ടറി തുടങ്ങിയവ പ്രവര്‍ത്തനം ആരംഭിച്ചു. വിവിധ സ്‌പെഷ്യല്‍റ്റി വിഭാഗം ഡോക്ടര്‍മാരുടെ സേവനവും ലഭ്യമാകുന്നുണ്ട്. അക്കാദമിക് കെട്ടിടത്തിലേക്ക് ആവശ്യമായ ഉപകരണങ്ങളും ഫര്‍ണിച്ചറും എത്തിച്ചു. അനാട്ടമി, ഫിസിയോളജി, ബയോ കെമിസ്ട്രി ലാബുകള്‍, ലൈബ്രറി, ലക്ചറര്‍ ഹാള്‍ തുടങ്ങിയവ സജ്ജീകരിച്ചു. നാഷനല്‍ മെഡിക്കല്‍ കൗണ്‍സിലിന്റെ അനുമതിക്കായുള്ള നടപടികളാണ് നടത്തുന്നത്. 100 സീറ്റില്‍ എം ബി ബി എസ് പഠനത്തിന് അനുമതി നേടിയെടുക്കുകയാണ് ലക്ഷ്യം.
ആരോഗ്യ കേരളം വഴി ലേബര്‍ റൂം ഉള്‍പ്പെടെ നിര്‍മിക്കുന്നതിന് മൂന്നരക്കോടി രൂപയുടെ ഭരണാനുമതിയാണ് ലഭിച്ചിട്ടുള്ളത്. ഇ ഹെല്‍ത്ത് വഴി വീട്ടില്‍ ഇരുന്ന് ഒ പി ടിക്കറ്റ് ബുക്ക് ചെയ്യാനുള്ള സംവിധാനം തുടക്കത്തില്‍ തന്നെയുണ്ടാകും. അക്കാദമിക് കെട്ടിടത്തിലെക്ക് ആവശ്യമായ ഉപകരണങ്ങളും ഫര്‍ണിച്ചറുകളും എത്തിയിട്ടുണ്ട്. എത്രയും വേഗത്തില്‍ അത് പൂര്‍ണസജ്ജമാക്കുമെന്നും എം എല്‍ എ പറഞ്ഞു. മെഡി. കോളജ് പ്രിന്‍സിപ്പല്‍ ഡോ. മിറിയം വര്‍ക്കി, സൂപ്രണ്ട് ഡോ. സി വി രാജേന്ദ്രന്‍, ഹൈറ്റ്‌സ് ചീഫ് പ്രോജക്ട് മാനേജര്‍ ആര്‍ രതീഷ് കുമാര്‍ പങ്കെടുത്തു.
Latest
ദക്ഷിണാഫ്രിക്കക്കെതിരെ സഞ്ജു സാംസണ് സെഞ്ച്വറി
വിനോദസഞ്ചാര മേഖലയില്‍ കുതിപ്പ്; സീപ്ലെയിന്‍ സര്‍വീസ് നവംബര്‍ 11 ന് ഫ്‌ളാഗ് ഓഫ് ചെയ്യും
കനത്ത മഴയില്‍ തിരുവനന്തപുരത്ത് വ്യാപക നാശം; തോട്ടിലേക്ക് ഓട്ടോമറിഞ്ഞ് ഒരാളെ കാണാതായി
പുഴുവരിച്ച അരി; ഭക്ഷ്യ കമ്മീഷന് വിശദീകരണം നല്‍കി വയനാട് എ ഡി എം
ഷാര്‍ജ അന്താരാഷ്ട്ര പുസ്തകമേളയില്‍ പ്രവാസി രിസാല ഐ പി ബി സ്റ്റാള്‍ ഉദ്ഘാടനം ചെയ്തു
ദിവ്യയ്ക്ക് ജാമ്യം നല്‍കിയത് ജുഡീഷ്യറി; അതിനെ രാഷ്ട്രീയവുമായി ചേര്‍ത്തുവെക്കരുത്: എം വി ഗോവിന്ദന്‍
