National
രാജസ്ഥാനില്‍ ദമ്പതികള്‍ മൂന്നര മാസം പ്രായമുള്ള മകളെ കനാലിലെറിഞ്ഞ് കൊന്നു
സാമ്പത്തിക പ്രതിസന്ധി മൂലമാണ് കുഞ്ഞിനെ കൊലപ്പെടുത്തിയതെന്നാണ് പൊലീസ് പറയുന്നത്.
ജയ്പുര്‍| രാജസ്ഥാനിലെ ബിക്കാനീര്‍ ജില്ലയില്‍ ദമ്പതികള്‍ മൂന്നര മാസം പ്രായമുള്ള മകളെ കനാലിലെറിഞ്ഞ് കൊന്നു. മൂന്ന് കുട്ടികളുള്ള ദമ്പതികള്‍ സാമ്പത്തിക പ്രതിസന്ധി മൂലമാണ് കുഞ്ഞിനെ കൊലപ്പെടുത്തിയതെന്നാണ് ഛത്തര്‍ഗഡ് പൊലീസ് പറയുന്നത്. പ്രതികളായ കന്‍വര്‍ലാല്‍ (35), ഭാര്യ ഗീതാദേവി(33) എന്നിവരെ കസ്റ്റഡിയിലെടുത്തു.
ഞായറാഴ്ച വൈകിട്ട് അഞ്ചരയോടെ ബൈക്കില്‍ വന്ന ദമ്പതികള്‍ കുഞ്ഞിനെ കനാലിലേക്ക് വലിച്ചെറിയുകയായിരുന്നെന്ന് ദൃക്സാക്ഷികള്‍ പൊലീസിനോട് പറഞ്ഞു. നാട്ടുകാര്‍ നിലവിളിച്ചതിനെ തുടര്‍ന്ന് ദമ്പതികള്‍ രക്ഷപ്പെട്ടു. കുഞ്ഞിനെ രക്ഷിക്കാന്‍ ശ്രമിച്ചെങ്കിലും ഫലമുണ്ടായില്ല. നാട്ടുകാര്‍ പൊലീസില്‍ വിവരമറിയിക്കുകയും ദമ്പതികളെ കണ്ടെത്താന്‍ അന്വേഷണം ആരംഭിക്കുകയും ചെയ്തു.
സംഭവസ്ഥലത്ത് നിന്ന് 20 കിലോമീറ്റര്‍ അകലെയായി ബൈക്ക് കണ്ടെടുത്തു. തുടര്‍ അന്വേഷണത്തില്‍ കോളയാട് തഹസില്‍ ദിയാത്ര ഗ്രാമത്തില്‍ നിന്ന് ദമ്പതികളെ പിടികൂടി. തുടര്‍ നടപടികള്‍ക്കായി ഛത്തര്‍ഗഡ് പൊലീസിന് കൈമാറിയെന്നും ബിക്കാനീര്‍ പൊലീസ് സൂപ്രണ്ട് യോഗേഷ് യാദവ് പറഞ്ഞു.
Latest
ജാമിഅത്തുല്‍ ഹിന്ദിന്റെ ആദ്യ സെമസ്റ്റര്‍ പരീക്ഷ 25ന് ആരംഭിക്കും
'വികസനത്തിന്റെയും സദ്ഭരണത്തിന്റെയും വിജയം'; മഹാരാഷ്ട്രയിലെ വോട്ടര്‍മാര്‍ക്ക് നന്ദി പറഞ്ഞ് പ്രധാനമന്ത്രി
ഭരണ വിരുദ്ധ വികാരമില്ല, ചേലക്കരയിലേത് ഉജ്ജ്വല വിജയം, വര്‍ഗീയതക്കെതിരായ വോട്ട് ഇടതിന് ലഭിച്ചു: മുഖ്യമന്ത്രി
അവകാശവാദങ്ങള്‍ പൊളിഞ്ഞു; എങ്കിലും സാന്നിധ്യമറിയിച്ച് അന്‍വര്‍
കേരളത്തിലെ ഏറ്റവും വലിയ സ്റ്റുഡന്റ്‌സ് അവാര്‍ഡ് പ്രോഗ്രാമുമായി സൈലം
വയനാടിന് പ്രിയങ്കരി; കന്നിയങ്കത്തില്‍ കൂറ്റന്‍ ഭൂരിപക്ഷവുമായി പ്രിയങ്ക
