ഉടുപ്പിയില്‍ യുവതിയെ ഭ​ർ​തൃ​വീ​ട്ടില്‍ തൂങ്ങി മരിച്ച നിലയില്‍ കണ്ടെത്തി; കൊലപാതകമെന്ന് ബന്ധുക്കള്‍

ബെംഗളൂരു | ഉടുപ്പിയില്‍ 28കാരിയെ സംശയാസ്പദമായി തൂങ്ങി മരിച്ച നിലയില്‍ കണ്ടെത്തി. കുന്താപുരം സ്വദേശി മേഘ ഷെട്ടിയാണ് മരിച്ചത്. സ്ത്രീധനത്തിന്‌റെ പേരില്‍ മേഘയെ ഭര്‍ത്താവ് സുദീപ് ഷെട്ടി കൊലപ്പെടുത്തിയതാണെന്നാണ് യുവതിയുടെ കുടുംബാഗങ്ങള്‍ ആരോപിക്കുന്നത്.

സുദീപിന്റെ മാതാപിതാക്കളും തന്നെ ആക്രമിക്കാറുണ്ടായിരുന്നെന്ന് മേഘ വീട്ടുകാരോട് പറഞ്ഞിരുന്നതായാണ് വിവരം. സംഭവത്തില്‍ സുദീപ് ഷെട്ടിക്കെതിരെ പോലീസ് കേസെടുത്തു.

യുവതിയുടെ ശരീരത്തില്‍ മര്‍ദ്ദനമേറ്റതിന്റെ പാടുകള്‍ കണ്ടെത്തിയതായും പോലീസ് വ്യക്തമാക്കി.