Kerala
അതിഥി തൊഴിലാളികളെ എത്തിച്ച ബസില്‍ കഞ്ചാവ് കടത്തിയ സംഭവം; മുഖ്യപ്രതി കീഴടങ്ങി
കൊച്ചി | അതിഥി തൊഴിലാളികളെ എത്തിച്ച ബസില്‍ കഞ്ചാവ് കടത്തിയ സംഭവത്തില്‍ മുഖ്യപ്രതി പോലീസ് മുമ്പാകെ കീഴടങ്ങി. ആലുവ സ്വദേശി സലാം ആണ് ആലുവ എക്‌സൈസ് സര്‍ക്കിള്‍ ഇന്‍സ്‌പെക്ടര്‍ മുമ്പാകെയെത്തി കീഴടങ്ങിയത്. പ്രതിയെ പോലീസ് പാലക്കാട് എക്‌സൈസിന് കൈമാറി. 150 കിലോ കഞ്ചാവാണ് ബസില്‍ നിന്ന് സ്റ്റേറ്റ് എക്‌സൈസ് എന്‍ഫോഴ്‌സ്‌മെന്റ് പിടികൂടിയത്. സംഭവവുമായി ബന്ധപ്പെട്ട നേരത്തെ അഞ്ച് പേരെ പിടികൂടിയിരുന്നു.
ബസ് ഡ്രൈവര്‍ സഞ്ജയ്, കഞ്ചാവ് വാങ്ങാനെത്തിയ എറണാകുളം സ്വദേശികളായ സുരേന്ദ്രന്‍, അജീഷ്, നിതീഷ് കുമാര്‍, പാരിഷ് മാഹിന്‍ എന്നിവരാണ് പിടിയിലായത്. രണ്ട് വാഹനങ്ങളിലായാണ് എറണാകുളം സ്വദേശികള്‍ ബസില്‍ നിന്ന് കഞ്ചാവ് ശേഖരിക്കാന്‍ വന്നത്. പശ്ചിമ ബംഗാളില്‍ നിന്നും തൃശൂര്‍, എറണാകുളം ജില്ലകളിലേക്ക് തൊഴിലാളികളെ കൊണ്ടുവന്ന ബസിലാണ് കഞ്ചാവ് കടത്താന്‍ ശ്രമിച്ചത്. സലാമിന് കൈമാറാനാണ് കഞ്ചാവ് കൊണ്ടുവന്നത്.
Latest
ക്രിമിനല്‍ കേസില്‍ പ്രതികളായ രണ്ടു പേര്‍ മദ്യപിക്കുന്നത്തിനിടെ തര്‍ക്കം; ഒരാള്‍ വെട്ടേറ്റു മരിച്ചു
ടീസ്റ്റ സെതല്‍വാദിന് ജാമ്യം: മുന്‍ ചീഫ് ജസ്റ്റിസ് ഡി വൈ ചന്ദ്രചൂഡിനെതിരായ പരാതിയില്‍ നടപടികള്‍ക്കായി പേഴ്‌സണല്‍ കാര്യമന്ത്രാലയത്തിന് കൈമാറി
പാലക്കാട്ട് ക്ഷേത്രത്തില്‍ വെടിക്കെട്ടപകടം
വിനോദയാത്ര പോയ മലയാളി യുവാവ് തമിഴ്‌നാട് ചിറ്റാര്‍ അണക്കെട്ടില്‍ മുങ്ങിമരിച്ചു
ഛത്തിസ്ഗഢിലെ സുഖ്മയില്‍ 22 മാവോയിസ്റ്റുകള്‍ കീഴടങ്ങി; ഒമ്പത് പേര്‍ സ്ത്രീകള്‍
വിദ്യാലയ പരിസരങ്ങള്‍ കേന്ദ്രീകരിച്ച് ലഹരി വില്‍പന; യുവാവ് പിടിയില്‍
