മാതളം ഭക്ഷണത്തില്‍ ഉള്‍പ്പെടുത്തൂ; ഗുണങ്ങള്‍ നിരവധി

ധാരാളം പോഷകങ്ങള്‍ അടങ്ങിയ രുചികരമായ പഴമാണ് അനാര്‍ അഥവാ മാതളനാരങ്ങ. ഇതിന് എണ്ണിയാലൊടുങ്ങാത്ത അത്ര ആരോഗ്യ ഗുണങ്ങള്‍ ഉണ്ടെന്നാണ് പറയപ്പെടുന്നത്. രക്തം വയ്ക്കാനും ശുദ്ധീകരിക്കപ്പെടാനും ഒക്കെ നമുക്കിടയില്‍ പലരും മാതളനാരങ്ങ മരുന്നായി പോലും ഉപയോഗിക്കുന്നുണ്ട്. എന്നാല്‍ എന്തൊക്കെയാണ് ഇതിന്റെ പ്രധാന ആരോഗ്യ ഗുണങ്ങള്‍ എന്ന് നോക്കാം.

ഹൃദയാരോഗ്യം മെച്ചപ്പെടുത്തുന്നു

മാതളനാരങ്ങയില്‍ പോളിഫിനോള്‍ ധാരാളം അടങ്ങിയിട്ടുണ്ട്. നിങ്ങളുടെ ഹൃദയത്തിലെയും രക്തക്കുഴലുകളിലെയും രോഗങ്ങളില്‍ നിന്ന് സംരക്ഷിക്കാന്‍ പോളിഫിനോള്‍ സഹായിക്കുന്നു.

കൊളസ്‌ട്രോള്‍ കുറയ്ക്കാന്‍ സഹായിക്കുന്നു

മാതളനാരങ്ങയില്‍ പ്യൂണികലാജിന്‍സ് അല്ലെങ്കില്‍ എല്ലജിറ്റാനിന്‍സ് എന്ന പോളിഫിനോള്‍ സംയുക്തങ്ങളുണ്ട്. ഈ ആന്റിഓക്സിഡന്റുകള്‍ നിങ്ങളുടെ ധമനിയുടെ ഭിത്തി കട്ടിയാകുന്നത് തടയാനും കൊളസ്ട്രോളിന്റെയും ഫലകത്തിന്റെയും അടിഞ്ഞുകൂടുന്നത് കുറയ്ക്കാനും സഹായിക്കുന്നു.

ഹൃദയാരോഗ്യത്തെ സഹായിക്കുന്ന ആന്തോസയാനിന്‍, ആന്തോക്സാന്തിന്‍സ് എന്നീ ചെടികളുടെ പിഗ്മെന്റുകളും മാതളനാരങ്ങ ജ്യൂസില്‍ അടങ്ങിയിട്ടുണ്ട്. നിങ്ങളുടെ ധമനികളില്‍ അടയുന്ന എല്‍ഡിഎല്‍ കൊളസ്‌ട്രോള്‍ അല്ലെങ്കില്‍ ‘മോശം’ കൊളസ്‌ട്രോള്‍ കുറയ്ക്കാനും സഹായിക്കുന്നു

ചില കാന്‍സറുകളുടെ സാധ്യത കുറയ്ക്കുന്നു

മാതളനാരങ്ങയില്‍ ആന്റി ഓക്സിഡന്റുകളും ഫ്‌ലേവനോയ്ഡുകളും ധാരാളമുണ്ട്. ഫ്രീ റാഡിക്കലുകളെ നിങ്ങളുടെ കോശങ്ങളെ നശിപ്പിക്കുന്നത് തടയാന്‍ അവ സഹായിക്കുന്നു. ചില ആദ്യകാല പഠനങ്ങളില്‍, മാതളനാരങ്ങയ്ക്ക് പ്രോസ്റ്റേറ്റ്, സ്തന, ശ്വാസകോശം, വന്‍കുടല്‍ കാന്‍സറുകള്‍ തടയാന്‍ കഴിവുണ്ടെന്ന് കണ്ടെത്തിയിട്ടുണ്ട്. മാതളനാരങ്ങ കഴിക്കുന്നത് ശ്വാസകോശം, ത്വക്ക്, വന്‍കുടല്‍, പ്രോസ്റ്റേറ്റ് മുഴകള്‍ എന്നിവ വളരുന്നത് തടയാന്‍ സഹായിക്കുമെന്ന് മൃഗങ്ങളില്‍ നടത്തിയ പഠനങ്ങള്‍ തെളിയിച്ചിട്ടുണ്ട്.

വൃക്ക രോഗങ്ങളെ തടയുന്നു

വൃക്ക സംബന്ധമായ രോഗങ്ങളെ ഇല്ലാതാക്കാനും ദിവസേന മാതള നാരങ്ങ കഴിക്കുന്നത് ഉത്തമമാണ്. മാതളത്തില്‍ അടങ്ങിയിരിക്കുന്ന ആന്റി ഓക്‌സിഡന്റ്‌സ് രക്ത സമ്മര്‍ദ്ദം കുറയ്ക്കാന്‍ സഹായിക്കും. അതുകൊണ്ടുതന്നെ ദിവസവും ഈ പഴം കഴിക്കുന്നത് ശീലമാക്കാം.

ഓര്‍മശക്തി മെച്ചപ്പെടുത്തുന്നു

മാതള ജ്യൂസില്‍ അടങ്ങിയ പോളിഫിനോളുകള്‍ നാഡികളെ സംരക്ഷിക്കാന്‍ സഹായിക്കുന്നു. അതുകൊണ്ടുതന്നെ ഓര്‍മശക്തി മെച്ചപ്പെടുത്താന്‍ ഇതു സഹായിക്കുന്നു. അല്‍ഷിമേഴ്‌സില്‍ നിന്ന് സംരക്ഷണമേകാനും മാതള ജ്യൂസ് സഹായിക്കുന്നു.

വൈറ്റമിന്‍ സി, കെ, ബി തുടങ്ങി നിരവധി പോഷകങ്ങളടങ്ങിയ ഈ പഴത്തില്‍ കാര്‍ബോഹൈഡ്രേറ്റ് ധാരാളമായി അടങ്ങിയിട്ടുണ്ട്. അതുകൊണ്ടുതന്നെ ഈ ഫലം കഴിക്കുന്നത് ശീലമാക്കിയാല്‍ ഒരുപാട് ആരോഗ്യ പ്രശ്‌നങ്ങളില്‍ നിന്ന് മാറി നില്‍ക്കാം എന്ന കാര്യം മനസ്സിലായല്ലോ.