National
ഛത്തീസ്ഗഡ് മുന്‍ മന്ത്രി അമര്‍ജീത് ഭഗത്തിന്റെ വസതിയില്‍ ആദായ നികുതി വകുപ്പിന്റെ റെയ്ഡ്
ഛത്തീസ്ഗഡില്‍ നിന്നും മധ്യപ്രദേശില്‍ നിന്നുമുള്ള പതിനഞ്ചോളം ഉദ്യോഗസ്ഥരുടെ സംഘമാണ് ഇന്ന് രാവിലെ 6 മണിയോടെ റെയ്ഡ് ആരംഭിച്ചത്.
റായ്പുര്‍| ഛത്തീസ്ഗഡ് മുന്‍ മന്ത്രിയും കോണ്‍ഗ്രസ് നേതാവുമായ അമര്‍ജീത് ഭഗത്തിന്റെ വസതിയില്‍ ആദായ നികുതി വകുപ്പിന്റെ പരിശോധന. അമര്‍ജീതിന്റെ അംബികാപൂരിലെ വീട്ടിലാണ് റെയ്ഡ് നടക്കുന്നത്. ഛത്തീസ്ഗഡില്‍ നിന്നും മധ്യപ്രദേശില്‍ നിന്നുമുള്ള പതിനഞ്ചോളം ഉദ്യോഗസ്ഥരുടെ സംഘമാണ് ഇന്ന് രാവിലെ 6 മണിയോടെ റെയ്ഡ് ആരംഭിച്ചത്.
അമര്‍ജീത് ഭഗത്തിന്റെ അനുയായികളെയും സംഘം ചോദ്യം ചെയ്യുന്നുണ്ട്. റെയ്ഡിനു പിന്നിലെ കാരണം ആദായനികുതി ഉദ്യോഗസ്ഥര്‍ വെളിപ്പെടുത്തിയിട്ടില്ല. എന്നാല്‍ കല്‍ക്കരി ലെവി അഴിമതി ആരോപണത്തില്‍ സംസ്ഥാന സാമ്പത്തിക കുറ്റകൃത്യ വിഭാഗം/ആന്റി കറപ്ഷന്‍ ബ്യൂറോ നല്‍കിയ എഫ്‌ഐആറില്‍ പേരുള്ള 35 പ്രതികളില്‍ ഒരാളാണ് അദ്ദേഹം.
അമര്‍ജീത് ഭഗത്തിന് പുറമെ ഛത്തീസ്ഗഡിലെ നിരവധി ബില്‍ഡര്‍മാരുടെയും വ്യവസായികളുടെയും വീടുകളില്‍ ആദായ നികുതി വകുപ്പ് പരിശോധന നടത്തുന്നുണ്ട്. റെയ്ഡിന്റെ ഭാഗമായി അമര്‍ജീതിന്റെ വീടിന് പുറത്ത് കനത്ത സുരക്ഷയാണ് ഒരുക്കിയിയതെന്ന് വാര്‍ത്താ ഏജന്‍സി എഎന്‍ഐ റിപ്പോര്‍ട്ട് ചെയ്തു.
Latest
മുജാഹിദുകള്‍ക്കിടയില്‍ വീണ്ടും ജിന്ന് വിവാദം; സ്വന്തം ഗ്രൂപ്പിനെ തള്ളി ഹുസൈന്‍ മടവൂര്‍
ഹജ്ജ് കമ്മിറ്റി മുഖേന പോകുന്നവര്‍ മറ്റ് സാങ്കേതിക ക്ലാസ്സുകളില്‍ പങ്കെടുക്കേണ്ടതില്ല
അഹമ്മദാബാദില്‍ അംബേദ്കറുടെ പ്രതിമ അടിച്ചുതകര്‍ത്തു
ബഹിരാകാശത്ത് വിത്ത് മുളപ്പിക്കാന്‍ ഐ എസ് ആര്‍ ഒ വിക്ഷേപണം ഈ മാസം 30ന്
സര്‍ക്കാര്‍ നിര്‍ദേശം തള്ളാന്‍ പി എസ് സിക്ക് അധികാരമില്ല
കോവളത്ത് തീക്കൊളുത്തി ആത്മഹത്യാ ശ്രമം; 43കാരന്‍ ആശുപത്രിയില്‍
