അത്താഴവും പ്രഭാത ഭക്ഷണവും തമ്മിലുള്ള ഇടവേള കൂട്ടു; നിങ്ങളുടെ ആരോഗ്യം വർദ്ധിക്കും

അത്താഴവും പ്രഭാത ഭക്ഷണവും തമ്മിൽ 12 – 14 മണിക്കൂർ ഇടവേളയുണ്ടാകുന്നത് നിങ്ങളുടെ ആരോഗ്യം വർദ്ധിപ്പിക്കുമെന്ന് വിദഗ്ധർ പറയുന്നു. അത്താഴത്തിനു ശേഷം പ്രഭാത ഭക്ഷണത്തിന് ഇടയിലുള്ള 10-12 മണിക്കൂർ കൊഴുപ്പിന്റെ ഉപയോഗം വർദ്ധിപ്പിക്കുന്നതിനും ഗ്ലൂക്കോസ് ആശ്രിതത്വം കുറയ്ക്കുന്നതിനും സഹായിക്കുന്നു. ഉപാപചയ ആരോഗ്യവും ഇത് മെച്ചപ്പെടുത്തുന്നു. ഇത് അമിതവണ്ണത്തിന്റെയും പ്രമേഹത്തിന്റെയും സാധ്യതകളെ കുറയ്ക്കും.

ഈ ഉപവാസ കാലയളവ് നിലനിർത്തുന്നത് ഹൃദയസംബന്ധമായ അസുഖങ്ങൾക്കുള്ള സാധ്യത കുറയ്ക്കും എന്നും വിദഗ്ധർ അഭിപ്രായപ്പെടുന്നു. മാത്രമല്ല ഭക്ഷണത്തിനിടയിൽ മതിയായ സമയം അനുവദിക്കുന്നത് മെച്ചപ്പെട്ട ദഹനത്തെ പിന്തുണയ്ക്കുകയും അസിഡിറ്റി പോലുള്ള പ്രശ്നങ്ങൾ തടയുകയും പോഷകങ്ങളുടെ ആഗിരണം മെച്ചപ്പെടുത്തുകയും ചെയ്യുന്നു. നിങ്ങളുടെ ശരീരത്തിന്റെ സ്വാഭാവിക താളം അനുസരിച്ച് ഭക്ഷണം കഴിക്കുന്നത് ഹോർമോൺ ബാലൻസ് പ്രോത്സാഹിപ്പിക്കുകയും കൂടുതൽ ഫലപ്രദമായി കൊഴുപ്പിനെ കത്തിച്ചുകളയാൻ സഹായിക്കുകയും ചെയ്യുന്നു.

ഈ കാരണങ്ങൾ കൊണ്ട് എല്ലാം തന്നെ രാത്രി വൈകിയുള്ള ഭക്ഷണം ഒഴിവാക്കുന്നത് നിങ്ങളുടെ ശരീരത്തിന്റെ സ്വാഭാവിക ഉറക്കചക്രവുമായി യോജിക്കുന്നതിനാൽ മെച്ചപ്പെട്ട ഉറക്കവും ഇതുമൂലം ഗുണനിലവാരമുള്ള ആരോഗ്യവും നിങ്ങൾക്ക് ലഭിക്കുന്നു.