ഓവലില്‍ ഇംഗ്ലണ്ടിനെ തകര്‍ത്ത് ഇന്ത്യ

ഓവല്‍ | ഇംഗ്ലണ്ടിനെതിരായ നാലാം ടെസ്റ്റില്‍ ഇന്ത്യക്ക് മിന്നും ജയം. 157 റണ്‍സിനാണ് ഇന്ത്യ ഇംഗ്ലണ്ടിനെ പരാജയപ്പെടുത്തിയത്. 368 റണ്‍സ് വിജയ ലക്ഷ്യവുമായി ഇറങ്ങിയ ഇംഗ്ലണ്ട് 210 ന് ഓള്‍ ഔട്ടായി. അഞ്ച് ടെസ്റ്റുള്ള പരമ്പരയില്‍ ഇന്ത്യയിപ്പോള്‍ 2-1 ന് മുന്നിലാണ്.

ഓവലില്‍ ഇന്ത്യന്‍ ടീമിന്റെ രണ്ടാം ടെസ്റ്റ് വിജയമാണിത്. 1971 ല്‍ അജിത് വഡേക്കറുടെ നേതൃത്വത്തിലുള്ള ടീമാണ് അവസാനമായി ഓവല്‍ ഇന്ത്യക്കായി വിജയം നേടിയത്.

രണ്ടാം ഇന്നിംഗ്‌സില്‍ മികച്ച തുടക്കമായിരുന്നു ഇംഗ്ലണ്ടിന് ലഭിച്ചത്. എന്നാല്‍ അവസാന ദിവസം ബാറ്റിംഗിന് ഇറങ്ങിയ ഇന്ത്യന്‍ ടീമിന്റെ ബൗളിംഗ് കരുത്തിന് മുന്നില്‍ ടീം ഇംഗ്ലണ്ട് അടിയറവ് പറയുകയായരുന്നു. അര്‍ധ സെഞ്ച്വറി നേടിയ ഓപ്പണര്‍ റോറി ബേണ്‍സിനെ വിക്കറ്റിന് മുന്നില്‍ കുരുക്കി ശര്‍ദൂല്‍ ഠാക്കൂറാണ് ഇംഗ്ലണ്ടിന്റെ പതനത്തിന് തുടക്കമിട്ടത്.