Johannesburg test
ഇന്ത്യക്ക് 239 റണ്‍സ് ലീഡ്; ബോളര്‍മാര്‍ തുണ
ചേതേശ്വര്‍ പുജാര(53)യും അജിങ്ക്യ രഹാനെ(58)യും അര്‍ധ സെഞ്ചുറി നേടി.
ജോഹന്നാസ്ബര്‍ഗ് | ദക്ഷിണാഫ്രിക്കക്കെതിരായ രണ്ടാം ടെസ്റ്റില്‍ ഇന്ത്യക്ക് 239 റണ്‍സ് ലീഡ്. ബോളര്‍മാരുടെ കൈയിലാണ് വിജയ പ്രതീക്ഷയുടെ കടിഞ്ഞാണ്‍. ഇന്ത്യയുടെ രണ്ടാം ഇന്നിംഗ്‌സ് 266 റണ്‍സില്‍ അവസാനിച്ചു.
ചേതേശ്വര്‍ പുജാര(53)യും അജിങ്ക്യ രഹാനെ(58)യും അര്‍ധ സെഞ്ചുറി നേടി. ഹനുമാ വിഹാരി (പുറത്താകാതെ 40)യുടെയും പേസര്‍ ശര്‍ദുല്‍ ഠാക്കൂറിന്റെയും (28) ഇന്നിംഗ്‌സുകള്‍ ശ്രദ്ധേയമായി. ദക്ഷിണാഫ്രിക്കന്‍ ബോളിംഗ് നിരയില്‍ കഗിസോ റബഡ, മാര്‍കോ ജെന്‍സന്‍, ലുംഗി ങ്കിഡി എന്നിവര്‍ മൂന്ന് വിക്കറ്റ് വീതം വീഴ്ത്തി. ഡുവാനെ ഒളിവീര്‍ ഒരു വിക്കറ്റെടുത്തു.
ഒന്നാമിന്നിംഗ്‌സില്‍ ഇന്ത്യയുയര്‍ത്തിയ 202 എന്ന സ്‌കോറിനെതിരെ ബാറ്റിംഗ് തുടങ്ങിയ ദക്ഷിണാഫ്രിക്കയുടെ ഇന്നിംഗ്‌സ് 229 റണ്‍സില്‍ ഒതുങ്ങിയിരുന്നു. കീഗന്‍ പീറ്റേഴ്‌സണ്‍ (62), ടെംബ ബവുമ (51) എന്നിവര്‍ അര്‍ധ സെഞ്ചുറി നേടി. 17.5 ഓവറില്‍ 61 റണ്‍സ് മാത്രം വഴങ്ങി ശര്‍ദുല്‍ ഏഴ് വിക്കറ്റും മുഹമ്മദ് ഷമി രണ്ടും ജസ്പ്രീത് ബുംറ ഒന്നും വിക്കറ്റ് വീഴ്ത്തിയിരുന്നു.
Latest
വനിതാ എംപിയോട് മോശമായി പെരുമാറിയെന്ന് ആരോപണം; രാഹുൽ ഗാന്ധിക്കെതിരെ ദേശീയ വനിത കമ്മീഷൻ സ്വമേധയാ കേസെടുത്തു
പാര്‍ലിമെന്റ് വളപ്പിലെ സംഘര്‍ഷം; രാഹുല്‍ ഗാന്ധിക്കെതിരായ കേസ് ക്രൈംബ്രാഞ്ചിന്
ചോദ്യപേപ്പർ ചോർത്തുന്നത് കുട്ടികളോട് ചെയ്യുന്ന ക്രൂരത; ചോദ്യപേപ്പർ തയ്യാറാക്കല്‍ സാങ്കേതിക വിദ്യ പ്രയോജനപ്പെടുത്തി കൂടുതല്‍ മെച്ചപ്പെടുത്തും: വി ശിവന്‍കുട്ടി
റിപ്പബ്ലിക് ദിനം കേരളത്തില്‍ കോണ്‍ഗ്രസ് അംബേദ്കര്‍ ദിനമായി ആചരിക്കും; കെ സുധാകരന്‍ എം പി
പോലീസിനെ സ്വതന്ത്രമായി പ്രവര്‍ത്തിക്കാന്‍ മുഖ്യമന്ത്രി അനുവദിക്കുന്നില്ല: ഗവര്‍ണർ
തിരുവനന്തപുരത്ത് സ്കൂളില്‍ വിദ്യാര്‍ഥിനിക്ക് പാമ്പ് കടിയേറ്റു
