National
വാഹന നിര്‍മാണത്തില്‍ ലോകത്തെ ഒന്നാം നമ്പര്‍ രാജ്യമായി ഇന്ത്യ മാറും:നിതിന്‍ ഗഡ്കരി
നിലവില്‍ ഇന്ത്യയുടെ ഓട്ടോമൊബൈല്‍ വ്യവസായം 7.5 ലക്ഷം കോടി രൂപ മൂല്യമുള്ളതാണെന്നും ഗഡ്കരി പറഞ്ഞു.
ന്യൂഡല്‍ഹി| ജമ്മു കശ്മീരില്‍ അടുത്തിടെ കണ്ടെത്തിയ ലിഥിയം ശേഖരം ഉപയോഗിക്കാനായാല്‍ വാഹന നിര്‍മാണത്തില്‍ ലോകത്തെ ഒന്നാം നമ്പര്‍ രാജ്യമായി ഇന്ത്യ മാറുമെന്ന് കേന്ദ്ര റോഡ്, ഗതാഗത മന്ത്രി നിതിന്‍ ഗഡ്കരി.
വ്യവസായ സംഘടനയായ സിഐഐ സംഘടിപ്പിച്ച പരിപാടിയെ അഭിസംബോധന ചെയ്തുകൊണ്ട് ഗഡ്കരി പൊതുഗതാഗതത്തെ പ്രോത്സാഹിപ്പിക്കേണ്ടതിന്റെ ആവശ്യകതയുണ്ടെന്നും ഇലക്ട്രിക് ബസുകളാണ് ഭാവിയെന്നും പറഞ്ഞു.
ഓരോ വര്‍ഷവും 1,200 ടണ്‍ ലിഥിയം ഇറക്കുമതി ചെയ്യുന്നു. ഇപ്പോള്‍, ജമ്മു കശ്മീരില്‍, നമുക്ക് ലിഥിയം ലഭിച്ചു. ഈ ലിഥിയത്തിലൂടെ ലോകത്തിലെ ഒന്നാം നമ്പര്‍ ഓട്ടോമൊബൈല്‍ നിര്‍മ്മാണ രാജ്യമാകും ഇന്ത്യയെന്നും അദ്ദേഹം പറഞ്ഞു.
നിലവില്‍ ഇന്ത്യയുടെ ഓട്ടോമൊബൈല്‍ വ്യവസായം 7.5 ലക്ഷം കോടി രൂപ മൂല്യമുള്ളതാണെന്നും ഗഡ്കരി പറഞ്ഞു. ഏതൊരു രാജ്യത്തിന്റെയും വികസനത്തിന് മികച്ച അടിസ്ഥാന സൗകര്യങ്ങള്‍ ആവശ്യമാണെന്ന് ഗഡ്കരി ചൂണ്ടിക്കാട്ടി.
നമ്മുടെ നൂതനമായ സമീപനത്തിലൂടെ പിന്നാക്ക മേഖല വികസിപ്പിക്കാനും വളര്‍ച്ച വര്‍ധിപ്പിക്കാനും അതോടൊപ്പം തൊഴിലവസരങ്ങള്‍ സൃഷ്ടിക്കാനും കഴിയുമെന്നും അദ്ദേഹം പറഞ്ഞു.
Latest
മുഹമ്മദന്‍സിനെ വീഴ്ത്തിയത് മൂന്ന് ഗോളിന്; മിന്നും ജയവുമായി കേരള ബ്ലാസ്‌റ്റേഴ്‌സ്
ന്യൂനപക്ഷ വര്‍ഗീയതയെ വിമര്‍ശിക്കുമ്പോള്‍ അസഹിഷ്ണുത കാണിക്കുന്നവരോട് സഹതാപം മാത്രം; നിലപാട് ആവര്‍ത്തിച്ച് എ വിജയരാഘവന്‍
മസ്ജിദുന്നബവിയില്‍ വിശുദ്ധ ഖുര്‍ആനും -ഹദീസും മനഃപാഠമാക്കാനുള്ളവരുടെ എണ്ണത്തില്‍ വര്‍ധനവ്
ജോലിക്കിടെ കണ്ണിലേക്ക് ആണി തുളച്ചു കയറി; അടിയന്തിര ശസ്ത്രക്രിയയിലൂടെ കാഴ്ച തിരികെ ലഭിച്ചു
ശബരിമലയില്‍ ശനിയാഴ്ച വരെ ദര്‍ശനത്തിനെത്തിയത് 28,93,210 പേര്‍
അല്ലു അര്‍ജുന്റെ വീടിന് നേരെ ആക്രമണം; എട്ട് പേര്‍ അറസ്റ്റില്‍
