കാബൂളിലെ ഇന്ത്യന്‍ എംബസി ജീവനക്കാരെ ഡല്‍ഹിയിലെത്തിച്ചു

ന്യൂഡല്‍ഹി | കാബുളില്‍ നിന്നും ഇന്ത്യന്‍ നയതന്ത്ര ഉദ്യോഗസ്ഥരെ അടക്കം 192 പേരെ ഒഴിപ്പിച്ചു. വ്യോമസേനയുടെ പ്രത്യേക വിമാനത്തിലാണ് ഇവരെ ജാംനഗറിലും ഡല്‍ഹിയിലുമായി തിരിച്ചെത്തിച്ചത്.ഒഴിപ്പിച്ചവരില്‍ 120 പര്‍ കാബൂളിലെ ഇന്ത്യന്‍ എംബസിയിലെ ഉദ്യോഗസ്ഥരാണ്. ഇന്തോ ടിബറ്റന്‍ സൈനികര്‍, നാല് മാധ്യമപ്രവര്‍ത്തകര്‍, 16 സിവിലിയന്‍സ് എന്നിവരും ഇക്കൂട്ടത്തിലുണ്ട്.

ഇനിയും ആരെയെങ്കിലും എത്തിക്കാനുണ്ടെങ്കില്‍ ഇതിനായി അമേരിക്കയുടെ സഹകരണം തേടിയെന്നും വിദേശകാര്യ മന്ത്രാലയം വ്യക്തമാക്കി. അതേസമയം, അഫ്ഗാനിലെ സാഹചര്യം വിലയിരുത്താന്‍ പ്രധാനമന്ത്രി നരേന്ദ്ര മോദി ഉന്നതതല യോഗം വിളിച്ചിട്ടുണ്ട്.