കുപ്രസിദ്ധ മോഷ്ടാവ് 'ഫാന്റം പൈലിയും' കൂട്ടാളികളും തലസ്ഥാനത്ത് പിടിയില്‍

തിരുവനന്തപുരം ഫാന്റം പൈലി എന്നറിയപ്പെടുന്ന കുപ്രസിദ്ധ മോഷ്ടാവും നിരവധി ക്രമിനല്‍ കേസിലെ പ്രതിയുമാ ഷാജി തിരുവനന്തപുരത്ത് പിടിയില്‍. മദ്യപിച്ച് വാഹനമോടിച്ച് അപകടമുണ്ടാക്കിയതിനെ തുടര്‍ന്നായിരുന്നു അറസ്റ്റ്. തിരുവനന്തപുരം പി എം ജി ജംഗ്ഷനില്‍ നിന്നാണ് ഷാജിയെ അറസ്റ്റുചെയ്തത്. ഇയാള്‍ക്കൊപ്പം റോഡില്‍ ഭീകരാന്തരീക്ഷം സൃഷ്ടിച്ച മറ്റ് നാല് പേര്‍കൂടി പിടിയിലായിട്ടുണ്ട്.

കഞ്ചാവ് ലഹരിയിലായിരുന്നു ഇവരെന്നാണ് പോലീസ് പറയുന്നത്. ഷാജിക്കെതിരെ വര്‍ക്കല, പള്ളിക്കല്‍, പൂജപ്പുര, മണ്ണന്തല, തൊടുപുഴ, വൈക്കം, പിറവം പോലീസ് സ്റ്റേഷനുകളിലായി നൂറോളം മോഷണ കേസുകളാണുള്ളത്. തിരുവനന്തപുരം നഗരത്തില്‍ അടുത്തിടെ ഗുണ്ടാ ആക്രമണങ്ങള്‍ വര്‍ധിച്ചിരുന്നു.