ഇന്‍ഫിന്ക്സ് സീറോ 5ജി ഫെബ്രുവരി 4 ന് ഇന്ത്യയിലെത്തും

ന്യൂഡല്‍ഹി| ഇന്‍ഫിനിക്‌സ് സീറോ 5ജി സ്മാര്‍ട്ട്‌ഫോണ്‍ ഫെബ്രുവരി 4 ന് ഇന്ത്യയില്‍ അവതരിപ്പിക്കുമെന്ന് കമ്പനി അറിയിച്ചു. കഴിഞ്ഞ വര്‍ഷം ഡിസംബറിലാണ് ഈ മിഡ് റേഞ്ച് മോഡല്‍ ആഗോള വിപണിയില്‍ അവതരിപ്പിച്ചിരുന്നത്. 6.78-ഇഞ്ച് ഫുള്‍-എച്ച്ഡി+ ഐപിഎസ് എല്‍ടിപിഎസ് ഡിസ്‌പ്ലേയോടെയാണ് ഫോണ്‍ എത്തുന്നത്.

ഹാന്‍ഡ്‌സെറ്റ് ഇതിനകം മറ്റ് രാജ്യങ്ങളില്‍ അവതരിപ്പിച്ചിട്ടുണ്ട്, അവിടെ ഇതിന്റെ വില ഏകദേശം 19,500 രൂപയാണ്. ബ്ലാക്ക്, ഓറഞ്ച്, വെള്ള കളര്‍ ഓപ്ഷനുകളിലാണ് ഇത് വരുന്നത്.
ഈ ഹാന്‍ഡ്‌സെറ്റില്‍ 50 മെഗാപിക്‌സല്‍ ട്രിപ്പിള്‍ റിയര്‍ കാമറ സജ്ജീകരണവും ഡ്യുവല്‍ ഫ്രണ്ട് ഫ്ളാഷോടുകൂടിയ ഫ്രണ്ട് ഫേസിംഗ് 16 മെഗാപിക്‌സല്‍ സെന്‍സറും ഉള്‍പ്പെടുന്നു. 5000 എംഎഎച്ച് ബാറ്ററിയാണ് ഈ ഫോണിനു വരുന്നത്.