ACTRESS SHAHANA DEATH
ഷഹനയുടെ ശരീരത്തില്‍ മരിക്കുന്നതിന് 24 മണിക്കൂറിനിടയിലേറ്റ പരുക്കുകള്‍: എ സി പി
ആത്മഹത്യയാണെന്ന് ഫോറന്‍സികിന്റെ പ്രാഥമിക വിലയിരുത്തല്‍: കൂടുതല്‍ ശാസ്ത്രീയ പരിശോധന നടക്കുന്നു
കോഴിക്കോട് | നടിയും മോഡലുമായ ഷഹന മരണപ്പെട്ട ദിവസവും ഭര്‍ത്താവ് സജ്ജാദ് മര്‍ദിച്ചതായി എ സി പി സുദര്‍ശന്‍. 24 മണിക്കൂറിനിടയിലുള്ള പരുക്കുകള്‍ ഷഹനയുടെ ശരീരത്തിലുണ്ടായിരുന്നു. മരണത്തിന് മുമ്പ് ഇവര്‍ തമ്മില്‍ പിടിവലികളോ, മറ്റോ നടന്നിരിക്കാമെന്നും എ സി പി പറഞ്ഞു.
സജ്ജാദ് ലഹരി ഉപയോഗിക്കുകയും നഗരത്തില്‍ വില്‍പ്പന നടത്തുകയും ചെയ്തിരുന്നു. ഫുഡ് ഡെലിവറിയുടെ മറവിലായിരുന്നു സജ്ജാദിന്റെ മയക്ക് മരുന്ന് വ്യാപരം. ആ രീതിയിലുള്ള അന്വേഷണം നടക്കുന്നുണ്ടെന്നും എ സി പി പറഞ്ഞു. ആത്മഹത്യയാണെന്ന് ഫോറന്‍സികിന്റെ പ്രാഥമിക വിലയിരുത്തല്‍. റൂമില്‍ നിന്ന് ലഭിച്ച കര്‍ തൂങ്ങി മരിക്കാന്‍ പര്യാപതമാണെന്നാണ് ഇവര്‍ പറയുന്നത്‌. എന്നാല്‍ ഷഹനക്കേറ്റ മര്‍ദനങ്ങള്‍ ഇതിന് കാരണമായിരിക്കാമെന്നും എ സി പി പറഞ്ഞു.
ഷഹന മരിച്ച പറമ്പില്‍ ബസാറിലെ വീട്ടില്‍ ഫോറന്‍സിക് സംഘം ഇന്നും പരിശോധന നടത്തി. കൂടുതല്‍ ശാസ്ത്രീയ പരിശോധന ആവശ്യമായ സാഹചര്യത്തിലാണ് ഫോറന്‍സിക് സംഘം എത്തിയത്. ഷഹന തൂങ്ങിമരിക്കാന്‍ ഉപയോഗിച്ച കയറും ഫോറന്‍സിക് പരിശോധനക്ക് വിധേയമാക്കും.
Latest
കമ്യൂണിസ്റ്റ് പാര്‍ട്ടിക്ക് ശ്രീലങ്കന്‍ പാര്‍ലമെന്റ് തെരഞ്ഞെടുപ്പിലും വമ്പന്‍ വിജയം
വിദേശത്ത് ജോലി വാഗ്ദാനം; പണം തട്ടിയ അമ്മയും മകളും അറസ്റ്റില്‍
ഹോസ്റ്റല്‍ കെട്ടിടത്തില്‍ നിന്ന് വീണ നഴ്‌സിംഗ് വിദ്യാര്‍ഥിനി മരിച്ചു
മദ്യപിച്ചെത്തിയ ആള്‍ അയല്‍ക്കാരനെ വെട്ടിക്കൊന്നു
ഇന്ത്യ-സൗത്ത് ആഫ്രിക്ക ടി20; പടുകൂറ്റന്‍ സ്‌കോര്‍ പടുത്തുയര്‍ത്തി സഞ്ജുവും തിലകും
മുനമ്പം വഖ്ഫ് ഭൂമി തന്നെ; നിയമസഭാ രേഖ പുറത്ത്
