National
എയര്‍ ഇന്ത്യ വിമാനത്തില്‍ വിളമ്പിയ ഭക്ഷണത്തില്‍ പ്രാണി
ഭക്ഷണത്തില്‍ പ്രാണി ഓടിനടക്കുന്ന വീഡിയോ ട്വീറ്റ് ചെയ്തതോടെ വൈറലാകുകയായിരുന്നു.
മുംബൈ|എയര്‍ ഇന്ത്യയുടെ ബിസിനസ് ക്ലാസില്‍ വിളമ്പിയ ഭക്ഷണത്തില്‍ പ്രാണിയെ കണ്ടെത്തി. മുംബൈയില്‍ നിന്ന് ചെന്നൈയിലേക്ക് പറന്ന എഐ671 എന്ന വിമാനത്തില്‍ വിളമ്പിയ ഭക്ഷണത്തിലാണ് പ്രാണിയെ കണ്ടത്. മഹാവീര്‍ ജെയിന്‍ എന്ന വ്യക്തിക്കാണ് ദുരനുഭവമുണ്ടായത്. ഭക്ഷണത്തില്‍ പ്രാണി ഓടിനടക്കുന്ന വീഡിയോ മഹാവീര്‍ ട്വീറ്റ് ചെയ്തതോടെ വൈറലാകുകയായിരുന്നു.
മഹാവീറിനോട് ക്ഷമ ചോദിച്ച് എയര്‍ ഇന്ത്യ അധികൃതര്‍ രംഗത്തെത്തിയിട്ടുണ്ട്. ‘പ്രിയപ്പെട്ട മിസ്റ്റര്‍ ജെയിന്‍, യാത്രക്കിടെ ഇത്തരമൊരു അനുഭവം ഉണ്ടായതില്‍ ഞങ്ങള്‍ ഖേദിക്കുന്നു. ശുചിത്വം ഉറപ്പാക്കുന്നതിനുള്ള നടപടികള്‍ ഞങ്ങള്‍ കര്‍ശനമായി പാലിക്കും. സംഭവത്തില്‍ അന്വേഷിച്ച് വിശദാംശങ്ങള്‍ നല്‍കാന്‍ അറിയിച്ചിട്ടുണ്ട്’- എന്നാണ് അധികൃതര്‍ ട്വീറ്റ് ചെയ്തത്.
അതേസമയം, നിരവധി പേരാണ് എയര്‍ ഇന്ത്യക്കെതിരെ വിമര്‍ശനവുമായി രംഗത്തെത്തിയത്. ഇത് വളരെ മോശമാണെന്നും ഓരോ തവണ ഇങ്ങനെ ഖേദം പ്രകടിപ്പിച്ചാല്‍ മതിയോ എന്നും ചിലര്‍ ചോദിക്കുന്നു.
Latest
മുഹമ്മദന്‍സിനെ വീഴ്ത്തിയത് മൂന്ന് ഗോളിന്; മിന്നും ജയവുമായി കേരള ബ്ലാസ്‌റ്റേഴ്‌സ്
ന്യൂനപക്ഷ വര്‍ഗീയതയെ വിമര്‍ശിക്കുമ്പോള്‍ അസഹിഷ്ണുത കാണിക്കുന്നവരോട് സഹതാപം മാത്രം; നിലപാട് ആവര്‍ത്തിച്ച് എ വിജയരാഘവന്‍
മസ്ജിദുന്നബവിയില്‍ വിശുദ്ധ ഖുര്‍ആനും -ഹദീസും മനഃപാഠമാക്കാനുള്ളവരുടെ എണ്ണത്തില്‍ വര്‍ധനവ്
ജോലിക്കിടെ കണ്ണിലേക്ക് ആണി തുളച്ചു കയറി; അടിയന്തിര ശസ്ത്രക്രിയയിലൂടെ കാഴ്ച തിരികെ ലഭിച്ചു
ശബരിമലയില്‍ ശനിയാഴ്ച വരെ ദര്‍ശനത്തിനെത്തിയത് 28,93,210 പേര്‍
അല്ലു അര്‍ജുന്റെ വീടിന് നേരെ ആക്രമണം; എട്ട് പേര്‍ അറസ്റ്റില്‍
