ഓടുന്ന ട്രയിനിന് മുന്നില്‍ ഇന്‍സ്റ്റഗ്രാം റീല്‍സ് ഷൂട്ട്; വിദ്യാര്‍ത്ഥി ട്രയിന്‍ തട്ടി മരിച്ചു

ഹൈദരാബാദ്| ഓടുന്ന ട്രയിനിന് മുന്നില്‍ ഇന്‍സ്റ്റഗ്രാം റീല്‍സ് ഷൂട്ട് ചെയ്യുന്നതിനിടെ വിദ്യാര്‍ത്ഥി മരിച്ചു. പിന്നില്‍നിന്ന് കുതിച്ചെത്തിയ ട്രയിന്‍ വിദ്യാര്‍ത്ഥിയെ ഇടിച്ചു തെറിപ്പിക്കുകയായിരുന്നു.

ഹൈദരാബാദ് സനത് നഗറിലെ മുഹമ്മദ് സര്‍ഫ്രാസ് എന്ന ഒമ്പതാം ക്ലാസുകാരനാണ് മരണത്തിന് കീഴടങ്ങിയത്.രണ്ട് സുഹൃത്തുക്കളും സര്‍ഫ്രാസും ചേര്‍ന്നാണ് റീല്‍സ് ഷൂട്ടു ചെയ്തത്.

പാളത്തോട് ചേര്‍ന്നു നിന്നായിരുന്നു ഷൂട്ട്. സംഭവസ്ഥലത്തു വച്ചു തന്നെ സര്‍ഫ്രാസ് മരിച്ചു. സംഭവത്തില്‍ റെയില്‍വേ പൊലീസ് കേസ് രജിസ്റ്റര്‍ ചെയ്തു.