Kerala
ന്യൂസ്‌ ക്ലിക്കിനെതിരായ അന്വേഷണം; മുന്‍ ജീവനക്കാരി അനുഷ പോളിന്റെ പത്തനംതിട്ടയിലെ വീട്ടില്‍ റെയ്ഡ് നടത്തി ഡല്‍ഹി പോലീസ്
അനുഷയുടെ മൊബൈല്‍ ഫോണും ലാപ്‌ടോപ്പും പോലീസ് പിടിച്ചെടുത്തു. ബേങ്ക് രേഖകളും കസ്റ്റഡിയിലെടുത്തതായി അനുഷ പോള്‍.
പത്തനംതിട്ട | ന്യൂസ്‌ക്ലിക്കിനെതിരായ കേസന്വേഷണത്തിന്റെ ഭാഗമായി കേരളത്തിലും റെയ്ഡ് നടത്തി ഡല്‍ഹി പോലീസ്. ന്യൂസ്‌ ക്ലിക്ക് മുന്‍ ജീവനക്കാരി പത്തനംതിട്ട കൊടുമണ്‍ സ്വദേശി അനുഷ പോളിന്റെ വീട്ടിലാണ് ഇന്ന് വൈകിട്ട് ഡല്‍ഹി പോലീസിന്റെ പ്രത്യേക സംഘമെത്തി പരിശോധന നടത്തിയത്. അനുഷയുടെ മൊബൈല്‍ ഫോണും ലാപ്‌ടോപ്പും പോലീസ് പിടിച്ചെടുത്തു. ഡി വൈ എഫ് ഐ സംസ്ഥാന ട്രഷറര്‍ കൂടിയാണ് അനുഷ.
കേന്ദ്ര സര്‍ക്കാര്‍ വേട്ടയാടുന്നു: അനുഷ പോള്‍
കേന്ദ്ര സര്‍ക്കാര്‍ വേട്ടയാടുന്നുവെന്ന് അനുഷ പോള്‍. തന്റെ സി പി എം ബന്ധമാണ് പ്രധാനമായും പരിശോധിച്ചത്. എത്രയും പെട്ടെന്ന് ഡല്‍ഹിയിലെത്തി ഹാജരാകാന്‍ ഡല്‍ഹി പോലീസ് നിര്‍ദേശിച്ചതായും അനുഷ പറഞ്ഞു.
തന്റെ ലാപ്‌ടോപ്പും മൊബൈല്‍ ഫോണും ബേങ്ക് രേഖകളും പോലീസ് കസ്റ്റഡിയിലെടുത്തു. ഭീഷണി സ്വരത്തിലാണ് ഡല്‍ഹി പോലീസ് സംസാരിച്ചതെന്നും അനുഷ പോള്‍ പ്രതികരിച്ചു. ന്യൂസ്‌ക്ലിക്ക് ഇന്റര്‍നാഷണല്‍ ഡെസ്‌കിലെ ലേഖികയായിരുന്നു അനുഷ പോള്‍.
Latest
സ്പഷ്ടമായും മുഴക്കത്തോടെയും അദ്ദേഹം പറഞ്ഞു; നമ്മള്‍ അതിജീവിക്കും
മതേതര മൂല്യങ്ങള്‍ക്ക് കരുത്തുപകര്‍ന്ന ഭരണാധിപന്‍: കാന്തപുരം
രാജ്യത്തെ വളര്‍ച്ചയിലേക്ക് നയിച്ച സമുന്നത നേതാവ്; മന്‍മോഹന്‍ സിംഗിന്റെ വേര്‍പാടില്‍ അനുശോചിച്ച് പ്രമുഖര്‍
ഏഴ് ദിവസം ഔദ്യോഗിക ദുഃഖാചരണം പ്രഖ്യാപിച്ചേക്കും; തീരുമാനം മന്ത്രിസഭാ യോഗത്തിൽ
ലഹരി സംഘങ്ങളെ കുറിച്ച് പോലീസിന് വിവരം നല്‍കിയ വയോധികനെ വെട്ടിക്കൊന്നു
ശാന്ത സ്വഭാവം ശക്തി; ദൗർബല്യവും അതുതന്നെ
