പഞ്ചസാരയെക്കാൾ മികച്ചതാണോ ശർക്കര?

ശർക്കരയും പഞ്ചസാരയും ഇന്ത്യൻ കുടുംബങ്ങളിൽ സാധാരണയായി മധുരത്തിന് ഉപയോഗിക്കുന്ന ഘടകങ്ങളാണ്. അവ നിറം ഘടന സംസ്കരണം എന്നിവയിൽ വ്യത്യാസപ്പെട്ടിരിക്കുന്നുമുണ്ട്. പഞ്ചസാര സംസ്‌കരിച്ച മധുരമാണ്, ശർക്കര പ്രകൃതിദത്തമായ മധുരമാണ്. പഞ്ചസാരയുടെ മിതമായ ഉപഭോഗം നമ്മുടെ രക്തത്തിലെ പഞ്ചസാരയുടെ അളവ് നിയന്ത്രിക്കുന്നതിന് ഫലപ്രദമാണ്. എന്നിരുന്നാലും, അമിതമായ അളവ് വിട്ടുമാറാത്ത രോഗങ്ങളിലേക്ക് നയിച്ചേക്കാം.

നമ്മളിൽ ഭൂരിഭാഗവും ഉദാസീനമായ ജീവിതശൈലിയാണ് പിന്തുടരുന്നത്. ഇത് ടൈപ്പ്-2 പ്രമേഹം, പൊണ്ണത്തടി, ഹൃദ്രോഗം, നാഡീസംബന്ധമായ പ്രശ്നങ്ങൾ തുടങ്ങിയ രോഗങ്ങളുടെ കൂട്ടത്തിലേക്ക് നമ്മെ നയിക്കുന്നു.

ഈ ഉദാസീനമായ ജീവിതശൈലിയിൽ, ചിലർ ശർക്കരയെ ആരോഗ്യകരമായ ഒരു ഉപാധിയായി കണക്കാക്കുന്നു. പഞ്ചസാരയും ശർക്കരയും ഒരുപോലെ മധുരം നൽകുന്നവയാണ്. ഈ മധുരപലഹാരങ്ങൾ നിങ്ങളുടെ ദൈനംദിന പ്രവർത്തനങ്ങൾക്ക് ഊർജ്ജത്തിൻ്റെ ഒരു പ്രധാന ഉറവിടമായി പ്രവർത്തിക്കുന്നു. അവ പൂർണ്ണമായും സമാനമാണോ? പഞ്ചസാരയും ശർക്കരയും ഏതാണ് കൂടുതൽ ആരോഗ്യകരം? ഇങ്ങനെ ഒരുപാട് ചർച്ചകൾ ഉണ്ടാകാറുണ്ട്. എന്താണ് ഇതിന്റെ സത്യം എന്ന് നോക്കാം.

ശർക്കര സംസ്കരിക്കാത്ത പ്രകൃതിദത്ത മധുരമാണ്.കൂടുതൽ വിറ്റാമിനുകളും ധാതുക്കളും അടങ്ങിയിരിക്കുന്നതിനാലും പഞ്ചസാരയെക്കാൾ സൂക്രോസ് കുറവായതിന്നാലും ചിലർ ഇതിനെ സൂപ്പർ ഫുഡ് ആയി കണക്കാക്കുന്നു.

ധാതുക്കളെ സമ്പുഷ്ടമാണ് ശർക്കര. ഇരുമ്പ് പൊട്ടാസ്യം മഗ്നീഷ്യം തുടങ്ങിയ ധാതുക്കളുടെ നല്ല ഉറവിടം കൂടിയാണ് ഇത്.അതേസമയം പഞ്ചസാര പോഷകമൂല്യമില്ലാത്ത ശൂന്യമായ കലോറി ആണ് .

ശർക്കരയ്ക്ക് താഴ്ന്ന ഗ്ലൈസിമിക് ഇൻഡക്സ് ആണുള്ളത് . അതായത് ഇത് രക്തത്തിലെ പഞ്ചസാരയുടെ അളവിൽ പെട്ടെന്ന് വർദ്ധനക്ക്‌ കാരണമാകില്ല.ശർക്കര പ്രകൃതിദത്തവും ശുദ്ധീകരിക്കാത്തതുമാണ്. ശുദ്ധീകരിക്കുകയോ സംസ്കരിക്കുകയോ ചെയ്യാതെ അതിന്റെ സ്വാഭാവിക പോഷകങ്ങൾ നിലനിർത്തിക്കൊണ്ട് തന്നെ വേവിച്ച കരിമ്പിൻ നീരിൽ നിന്നാണ് ശർക്കര നിർമ്മിക്കുന്നത്.

ദഹനത്തെ പ്രോത്സാഹിപ്പിക്കുന്നതിലും ശർക്കരയ്ക്ക് വലിയ പങ്കുണ്ട്. ശർക്കരയിൽ നാരുകൾ അടങ്ങിയിട്ടുണ്ട്. ഇത് ദഹനത്തെ സഹായിക്കുകയും മലബന്ധം തടയുകയും ചെയ്യുന്നു.

മാത്രമല്ല ശർക്കരയ്ക്ക് ആന്റി ഓക്സിഡന്റ് ഗുണങ്ങളും ഉണ്ട്. ഇത് ഓക്സിഡേറ്റ് സ്ട്രസ്സിൽ നിന്ന് നിങ്ങളെ സംരക്ഷിക്കും. പ്രോസസ് ചെയ്യാത്തത് കൊണ്ട് തന്നെ ശർക്കരയിൽ പഞ്ചസാരയെക്കാൾ രാസവസ്തുക്കളും അഡിക്റ്റീവ്സും കുറവാണ്. കൂടാതെ ശർക്കര ശരീരത്തിലെ വിഷാംശം കുറയ്ക്കാനും സഹായിക്കും. ശർക്കരയിൽ വൈറ്റമിൻ സി അടങ്ങിയിട്ടുണ്ട് . ഇത് രോഗപ്രതിരോധ സംവിധാനത്തെയും പിന്തുണയ്ക്കുന്നു.

പ്രമേഹത്തിന്റെ കാര്യത്തിൽ വലിയ വ്യത്യാസമില്ലെങ്കിലും ആരോഗ്യഗുണങ്ങൾ ഉള്ളത് ശർക്കരയ്ക്ക് തന്നെയാണ്. അതുകൊണ്ട് പഞ്ചസാരയെക്കാൾ മികച്ചതും ശർക്കര തന്നെ. ഇതിനർത്ഥം ഏത് അളവിലും ശർക്കര ഉപയോഗിക്കാം എന്നല്ല. പഞ്ചസാര നിർബന്ധമാണെന്ന് തോന്നുന്ന ഇടങ്ങളിൽ ശർക്കര വച്ച് റിപ്ലൈസ് ചെയ്യുന്നതാവും നല്ലത്.