ഇസ്‌റാഈല്‍ ആക്രമണം; കൊല്ലപ്പെട്ടവരുടെ എണ്ണം 274 ആയി

ബെയ്‌റൂത്ത് | ലബനാനില്‍ ഇസ്‌റാഈല്‍ നടത്തിയ ആക്രമണത്തില്‍ കൊല്ലപ്പെട്ടവരുടെ എണ്ണം 274 ആയി. 21 കുട്ടികളും 39 സ്ത്രീകളും രണ്ട് ആരോഗ്യ പ്രവര്‍ത്തകരും മരിച്ചവരില്‍ ഉള്‍പ്പെടും. 1,024 പേര്‍ക്ക് പരുക്കേറ്റു.

ഹിസ്ബുല്ലയെ ലക്ഷ്യം വെച്ച് 300ല്‍ അധികം കേന്ദ്രങ്ങള്‍ക്കു നേരെ ആക്രമണം നടത്തിയതായി ഇസ്‌റാഈല്‍ വ്യക്തമാക്കി.

ഹിസ്ബുല്ല കേന്ദ്രങ്ങളുടെ പരിസരത്ത് നിന്ന് ലബനാനിലെ സാധാരണ ജനങ്ങള്‍ അടിയന്തരമായി ഒഴിഞ്ഞുപോകണമെന്ന് ആവശ്യപ്പെട്ടു കൊണ്ടുള്ള സന്ദേശങ്ങള്‍ ലഭിച്ചതായി വിവരമുണ്ട്.