ഐ ടി സ്ഥാപനത്തിലെ ജീവനക്കാരൻ ഫ്‌ളാറ്റിൽ നിന്ന് വീണ് മരിച്ച നിലയിൽ

കോട്ടയം | യുവാവിനെ ഫ്‌ളാറ്റിൽ നിന്നും വീണ് മരിച്ച നിലയിൽ കണ്ടെത്തി. എറണാകുളത്തെ സ്വകാര്യ കമ്പനിയിലെ ജീവനക്കാരൻ കഞ്ഞിക്കുഴി മുട്ടമ്പലം സ്‌കൈലൈൻ ഫ്‌ളാറ്റിൽ താമസിക്കുന്ന ജേക്കബ് തോമസിനെ(23)യാണ് മരിച്ച നിലയിൽ കണ്ടെത്തിയത്.

ഞായറാഴ്ച പുലർച്ചെ അഞ്ചരയോടെയായിരുന്നു സംംഭവം. രാത്രി ഏറെ വൈകിയും ജേക്കബ് ഫ്‌ളാറ്റിൽ ഇരുന്ന് ജോലി ചെയ്തിരുന്നതായി ബന്ധുക്കൾ പറയുന്നു. അമിത ജോലി സമ്മർദത്തിലായിരുന്നെന്നും ഇവർ പറഞ്ഞു. തുടർന്ന് ഇന്ന് പുലർച്ചെ ഇവർ എഴുന്നേറ്റപ്പോഴാണ് മകനെ ഫ്‌ളാറ്റിൽ നിന്ന് വീണ് മരിച്ച നിലയിൽ കണ്ടെത്തിയത്.

വിവരം അറിയിച്ചതോടെ ഈസ്റ്റ് പോലീസ് സ്ഥലത്ത് എത്തി. മൃതദേഹം കോട്ടയം ജില്ലാ ജനറൽ ആശുപത്രി മോർച്ചറിയിലേക്ക് മാറ്റി. അസ്വാഭാവിക മരണത്തിന് പോലീസ് കേസെടുത്തു.