വിമാനത്താവളത്തിൽ 2.6 കോടി ദിർഹം വിലമതിക്കുന്ന വസ്തുക്കൾ കണ്ടെത്തി

ദുബൈ|2024-ൽ 2.6 കോടി ദിർഹം വിലമതിക്കുന്ന വസ്തുക്കൾ ജനറൽ ഡിപ്പാർട്ട്‌മെന്റ് ഓഫ് എയർപോർട്ട് സെക്യൂരിറ്റി യാത്രക്കാർക്ക് കണ്ടെത്തി തിരികെ നൽകി. യാത്രക്കാർക്ക് നഷ്ടപ്പെട്ടത് കണ്ടെത്തി നൽകുന്ന സംവിധാനം ഉപയോഗിച്ചാണിത്. നഷ്ടപ്പെട്ട വസ്തുക്കളുടെ റിപ്പോർട്ടുകൾ വേഗത്തിലും കൃത്യമായും കൈകാര്യം ചെയ്ത ടീമുകളുടെ കഠിനാധ്വാനത്തിൽ നിന്നാണ് ഈ നേട്ടമെന്നു പോലീസ് പറഞ്ഞു. വിമാനത്താവള സുരക്ഷാ ടീമുകൾ നഷ്ടങ്ങൾ റിപ്പോർട്ട് ചെയ്യുന്നവരുമായി നിരന്തരം ആശയവിനിമയം നടത്തി. അവരുടെ വസ്തുക്കൾ തിരികെ നൽകുന്നത് ലഭിക്കുന്നത് ഉറപ്പാക്കി.

ദുബൈയിൽ വൈവിധ്യമാർന്ന, ബഹുസ്വരമായ ഒരു ജനസംഖ്യയുണ്ടെന്നും സമൂഹത്തിനുള്ളിൽ സന്തോഷവും സുരക്ഷയും വളർത്തിയെടുക്കാൻ പ്രതിജ്ഞാബദ്ധമാണെന്നും ദുബൈ പോലീസിലെ എയർപോർട്ട് സുരക്ഷാ ജനറൽ ഡിപ്പാർട്ട്‌മെന്റിന്റെ ഡയറക്്ടർ ബ്രിഗേഡിയർ ഹമൂദ് അൽ സുവൈദ് അൽ ആമിരി പറഞ്ഞു. “സഹിഷ്ണുത, സഹവർത്തിത്വം, സാമൂഹിക ഉത്തരവാദിത്തം എന്നിവയുടെ മൂല്യങ്ങൾ നഗരം പ്രോത്സാഹിപ്പിക്കുന്നു. ലോകത്തിലെ ഏറ്റവും ആകർഷകമായ നഗരങ്ങളിലൊന്നായ ദുബൈ വിമാനത്താവളം ഏറ്റവും തിരക്കേറിയ കവാടമാണ്, 2024-ൽ 9.2 കോടി യാത്രക്കാരുടെ നീക്കങ്ങൾ കൈകാര്യം ചെയ്തു. ഈ ഉയർന്ന ഗതാഗത നിരക്ക് വിലപിടിപ്പുള്ള വസ്തുക്കളും പണവും ഉൾപ്പെടെ വ്യക്തിഗത ലഗേജുകൾ നഷ്ടപ്പെട്ട സംഭവങ്ങൾക്കും കാരണമായി അദ്ദേഹം പറഞ്ഞു. എല്ലാ യാത്രക്കാരിലും സുരക്ഷയും ആത്മവിശ്വാസവും വളർത്താൻ ശ്രമിക്കുകയാണ്.

വർഷങ്ങളായി, യാത്രക്കാർക്ക് അസാധാരണമായ സേവനം നൽകുന്നു. എല്ലാ വിമാനത്താവള ഉപയോക്താക്കളുടെയും ആവശ്യങ്ങൾ നിറവേറ്റുന്നതിനായി സുരക്ഷ തുടർച്ചയായി വർധിപ്പിച്ചുകൊണ്ടിരിക്കുന്നു.