Kerala
പി വി അന്‍വറിന്റെ നീക്കത്തിന് പിന്നില്‍ ജമാഅത്തെ ഇസ്ലാമിയും എസ് ഡി പി ഐയും: പാലോളി മുഹമ്മദ് കുട്ടി
അന്‍വറിന്റെ പൊതുസമ്മേളനം വിജയിപ്പിച്ചത് ഇത്തരം സംഘടനകളാണ്. നാട്ടില്‍ ഭിന്നിപ്പുണ്ടാക്കി നേട്ടം കൊയ്യുകയാണ് ഇവരുടെ ലക്ഷ്യം.
മലപ്പുറം | പി വി അന്‍വറിന്റെ നീക്കത്തിന് പിന്നില്‍ ജമാഅത്തെ ഇസ്ലാമിയും എസ് ഡി പി ഐയും അടക്കമുള്ള മതമാലികവാദ സംഘടനകളാണെന്ന് മുന്‍ മന്ത്രിയും മുതിര്‍ന്ന സി പി എം നേതാവുമായ പാലോളി മുഹമ്മദ് കുട്ടി ആരോപിച്ചു. മലപ്പുറം പ്രസ് ക്ലബ്ബില്‍ നടത്തിയ വാര്‍ത്താസമ്മേളനത്തിലാണ് ആരോപണം ഉന്നയിച്ചത്.
അന്‍വറിന്റെ പൊതുസമ്മേളനം വിജയിപ്പിച്ചത് ഇത്തരം സംഘടനകളാണ്. നാട്ടില്‍ ഭിന്നിപ്പുണ്ടാക്കി നേട്ടം കൊയ്യുകയാണ് ഇവരുടെ ലക്ഷ്യം. നിസ്‌ക്കാരം തടയാന്‍ പാര്‍ട്ടി ശ്രമിച്ചെന്ന ആരോപണം വില കുറഞ്ഞതാണെന്നും പാലോളി പറഞ്ഞു. വാര്‍ത്താ സമ്മേളനത്തില്‍ സി പി എം സംസ്ഥാന കമ്മിറ്റിയംഗം വി പി സാനു, ജില്ലാ സെക്രട്ടറിയറ്റ് അംഗങ്ങളായ വി എം ഷൗക്കത്ത്, അബ്ദുള്ള നവാസ് എന്നിവരും പങ്കെടുത്തു.
സി പി എം മലപ്പുറം ജില്ലാ സെക്രട്ടറി ഇ എന്‍ മോഹന്‍ദാസ് ദീര്‍ഘകാലമായി ഇവിടെ പ്രവര്‍ത്തിക്കുന്നയാളാണ്. വര്‍ഗീയ ശക്തികള്‍ക്കെതിരെ അദ്ദേഹത്തിന്റെ നിലപാട് ജനങ്ങള്‍ക്ക് അറിയുന്നതാണ്. അങ്ങനെയുള്ള മോഹന്‍ദാസിനെയാണ് ആര്‍ എസ് എസിനുവേണ്ടി പ്രവര്‍ത്തിക്കുന്നയാളായി ചിത്രീകരിച്ചത്. രണ്ടു തവണ എം എല്‍ എയായ പി വി അന്‍വറിനെ വിജയിപ്പിക്കുന്നതിനുവേണ്ടി ശക്തിയായ പ്രവര്‍ത്തനം നടത്തിയ ജില്ലാ സെക്രട്ടറിയെയാണ് ഇത്തരത്തില്‍ വര്‍ഗീയ വാദിയാക്കുന്നത്. ഇത് ആരെ സന്തോഷിപ്പിക്കാനാണെന്ന് വ്യക്തമാണെന്നും പാലോളി മുഹമ്മദ് കുട്ടി പറഞ്ഞു.
Latest
മലപ്പുറം ജില്ലയെ പ്രശ്നവത്കരിക്കാനുള്ള നീക്കത്തിൽ നിന്ന് ഉത്തരവാദപ്പെട്ടവർ പിന്മാറണം: കേരള മുസ്ലിം ജമാഅത്ത്
മുഖ്യമന്ത്രി മലപ്പുറത്തെ അപമാനിച്ച് ഹിന്ദുവില്‍ അഭിമുഖം നല്‍കിയത് ഡല്‍ഹിയില്‍ അറിയാന്‍: പി വി അന്‍വര്‍
പി വി അന്‍വറിന്റെ നീക്കത്തിന് പിന്നില്‍ ജമാഅത്തെ ഇസ്ലാമിയും എസ് ഡി പി ഐയും: പാലോളി മുഹമ്മദ് കുട്ടി
മലപ്പുറത്തിനെതിരായ പരാമര്‍ശം; മുഖ്യമന്ത്രിക്കെതിരെ രൂക്ഷവിമര്‍ശനവുമായി മുസ്ലിംലീഗ്
കാര്‍ കയറ്റി കൊല: ഡോ. ശ്രീക്കുട്ടിക്ക് ജാമ്യം അനുവദിച്ചു
ബലാത്സംഗം പോലുളള കേസുകളില്‍ സ്ത്രീകള്‍ക്ക് ഒപ്പം നില്‍ക്കാന്‍ സുപ്രീം കോടതിക്ക് ബാധ്യതയുണ്ട്: മന്ത്രി ആര്‍ ബിന്ദു
