പനമരം പഞ്ചായത്തില്‍ കൂറുമാറിയ ജനതാദള്‍ അംഗം തൃണമൂല്‍ കോണ്‍ഗ്രസ്സില്‍ ചേരുന്നു

ബത്തേരി | വയനാട് പനമരം പഞ്ചായത്തില്‍ എല്‍ ഡി എഫില്‍ നിന്ന് കൂറുമാറിയ ജനതാദള്‍ അംഗം ബെന്നി ചെറിയാന്‍ തൃണമൂല്‍ കോണ്‍ഗ്രസ്സില്‍ ചേരുന്നു.

കൂറുമാറിയതിനെ തുടര്‍ന്ന് പഞ്ചായത്ത് മെമ്പര്‍ ബെന്നി ചെറിയാന് സി പി എം പ്രവര്‍ത്തകരുടെ മര്‍ദ്ദനമേറ്റിരുന്നു. ബുധനാഴ്ച പനമരം പഞ്ചായത്ത് പ്രസിഡന്റ് സ്ഥാനത്തേക്ക് തെരഞ്ഞെടുപ്പ് നടക്കാനിരിക്കെയാണ് ബെന്നി തൃണമൂല്‍ കോണ്‍ഗ്രസ്സില്‍ ചേരുമെന്നു പ്രഖ്യാപിച്ചത്.

നാളെ ബെന്നിക്ക് പി വി അന്‍വര്‍ പങ്കെടുക്കുന്ന കണ്‍വെന്‍ഷനില്‍ വച്ച് അംഗത്വം നല്‍കും. ബെന്നിയുടെ പിന്തുണ യു ഡി എഫ് തേടിയിട്ടുണ്ടെന്നാണ് സൂചന. യു ഡി എഫ് കൊണ്ടുവന്ന അവിശ്വാസപ്രമേയം ബെന്നി കൂറുമാറി പിന്തുണച്ചതോടെ എല്‍ ഡി എഫിന് ഭരണം നഷ്ടമായിരുന്നു.