ജെയ്‌സി എബ്രഹാം കൊലക്കേസ്; രണ്ട് പേര്‍ അറസ്റ്റില്‍

കൊച്ചി |  കളമശ്ശേരിയിലെ റിയല്‍ എസ്റ്റേറ്റ് വ്യാപാരി ജെയ്‌സി എബ്രഹാം കൊല്ലപ്പെട്ട കേസില്‍ രണ്ടുപേര്‍ അറസ്റ്റില്‍. ഇന്‍ഫോപാര്‍ക്ക് ജീവനക്കാരന്‍ ഗിരീഷ് കുമാറും സഹായി ഖദീജയുമാണ് പിടിയിലായത്. ജെയ്‌സിയുടെ സ്വര്‍ണാഭരണങ്ങള്‍ മോഷ്ടിക്കാനാണ് കൊലപാതകം നടത്തിയത്.

പെരുമ്പാവൂര്‍ കോരോത്തുകുടി വീട്ടില്‍ ജെയ്‌സി എബ്രഹാമിനെ കൂനംതൈയിലെ അപ്പാര്‍ട്‌മെന്റിലാണ് മരിച്ച നിലയില്‍ കണ്ടെത്തിയത്. ഭര്‍ത്താവുമായി അകന്നു കഴിയുന്ന ജെയ്സി ഒരു വര്‍ഷമായി കളമശ്ശേരിയിലെ ഈ അപ്പാര്‍ട്ടമെന്റിലാണ് താമസം

പോസ്റ്റുമോര്‍ട്ടത്തിലാണ് തലക്കേറ്റ മുറിവാണ് മരണകാരണമെന്ന് കണ്ടെത്തിയത്. തുടര്‍ന്ന് നടത്തിയ അന്വേഷണത്തിലാണ് പ്രതികള്‍ പിടിയിലാകുന്നത്. സ്വര്‍ണം മോഷ്ടിക്കാനുള്ള ശ്രമത്തിനിടെയാണ് ജെയ്സി കൊല്ലപ്പെട്ടത്. ജെയ്‌സിയുടെ രണ്ട് ഫോണുകളും രണ്ട് സ്വര്‍ണ വളകളും നഷ്ടപ്പെട്ടിരുന്നു. തൃക്കാക്കര എ സി പിയുടെ നേതൃത്വത്തിലുള്ള പോലീസ് സംഘമാണ് കേസ് അന്വേഷിച്ചത്.