National
മണിപ്പൂരില്‍ ബി ജെ പി സര്‍ക്കാരിനുള്ള പിന്തുണ പിന്‍വലിച്ച് ജെ ഡി യു
കേന്ദ്രം ഭരിക്കുന്ന എന്‍ ഡി എ സഖ്യത്തിലും ബിഹാര്‍ സര്‍ക്കാരിലും പ്രധാന സഖ്യകക്ഷിയായതിനാല്‍ ജെ ഡി യുവിന്റെ പിന്മാറ്റം ബി ജെ പിക്കുളള മുന്നറിയിപ്പാണ്.
ന്യൂഡല്‍ഹി | മണിപ്പൂരില്‍ ബി ജെ പി സര്‍ക്കാരിനുള്ള പിന്തുണ പിന്‍വലിച്ച് സഖ്യകക്ഷിയായ ജനതാദള്‍ (യു). എന്‍ ബിരേന്‍ സിംഗിന്റെ നേതൃത്വത്തിലുള്ള സര്‍ക്കാരിനുള്ള പിന്തുണയാണ് പിന്‍വലിച്ചത്.
നിതീഷ് കുമാര്‍ അധ്യക്ഷനായ ജെ ഡി യുവിന് മണിപ്പൂര്‍ നിയമസഭയില്‍ ഒരംഗം മാത്രമാണ് ഉള്ളത്. അതിനാല്‍ത്തന്നെ പാര്‍ട്ടി നടപടി സര്‍ക്കാരിന് വലിയ തിരിച്ചടിയാകില്ല. എന്നാല്‍, കേന്ദ്രം ഭരിക്കുന്ന എന്‍ ഡി എ സഖ്യത്തിലും ബിഹാര്‍ സര്‍ക്കാരിലും പ്രധാന സഖ്യകക്ഷിയായതിനാല്‍ ജെ ഡി യുവിന്റെ പിന്മാറ്റം ബി ജെ പിക്കുളള മുന്നറിയിപ്പാണ്.
കോണ്‍റാഡ് സഗ്മയുടെ നേതൃത്വത്തിലുള്ള നാഷണല്‍ പീപ്പിള്‍സ് പാര്‍ട്ടിയും നേരത്തെ മണിപ്പൂര്‍ സര്‍ക്കാരിനുള്ള പിന്തുണ പിന്‍വലിച്ചിരുന്നു.
2022ലെ മണിപ്പൂര്‍ നിയമസഭാ തിരഞ്ഞെടുപ്പില്‍ ജെ ഡി യു ആറ് സീറ്റിലാണ് വിജയിച്ചത്. എന്നാല്‍, തിരഞ്ഞെടുപ്പ് നടന്ന് മാസങ്ങള്‍ പിന്നിട്ടതോടെ പാര്‍ട്ടിയുടെ അഞ്ച് എം എല്‍ എമാര്‍ ബി ജെ പിയിലേക്ക് ചേക്കേറി. 60 അംഗ മണിപ്പൂര്‍ നിയമസഭയില്‍ നിലവില്‍ 37 എം എല്‍ എമാരാണ് ബി ജെ പിക്കുളളത്. അഞ്ച് എം എല്‍ മാരുള്ള നാഗാ പീപ്പിള്‍സ് ഫ്രണ്ടും മൂന്ന് സ്വതന്ത്രരും സര്‍ക്കാരിന് പിന്തുണ നല്‍കുന്നുണ്ട്.
Latest
കൂറുമാറി വോട്ടുചെയ്ത എല്‍ ഡി എഫ് അംഗത്തിന് ഇരുമ്പുവടികൊണ്ട് അടി
സര്‍ക്കാര്‍ ഉദ്യോഗസ്ഥരുടെ പണിമുടക്കിനെ വിമര്‍ശിച്ച് എല്‍ ഡി എഫ് കണ്‍വീനര്‍
പ്രായപൂര്‍ത്തിയാകാത്ത പെണ്‍കുട്ടികള്‍ക്ക് ലൈംഗിക പീഡനം; കോഴിക്കോട്ടും ഇടുക്കിയിലും യുവാക്കള്‍ പിടിയില്‍
കിന്‍ഫ്രക്ക് നല്‍കിയ വെള്ളം മദ്യ പ്ലാന്റിനായി പങ്കിടുന്നതില്‍ തെറ്റില്ല: മന്ത്രി റോഷിന്‍ അഗസ്റ്റിന്‍
മോദി സര്‍ക്കാറിന്റെ വഖ്ഫ് ഭേദഗതി ബില്ല് പിന്തുണക്കുമെന്ന് യു ഡി എഫ്. എം പി
മുതിർന്ന ഹിസ്ബുല്ല കമാൻഡർ ഷെയ്ഖ് മുഹമ്മദ് അലി ഹമ്മാദി വെടിയേറ്റ് മരിച്ചതായി റിപ്പോർട്ട്
