വണ്ടിപ്പെരിയാറിൽ ജീപ്പ് മറിഞ്ഞ് അപകടം; ഡ്രൈവർ മരിച്ചു

ഇടുക്കി |  വണ്ടിപ്പെരിയാറിൽ ജീപ്പ് മറിഞ്ഞ് ഡ്രൈവർ മരിച്ചു. രാജമുടി എസ്റ്റേറ്റിലെ താമസക്കാരനായ ജനാർദ്ദനൻ (40) ആണ് മരിച്ചത്. ബുധനാഴ്‌ച രാത്രിയാണ് അപകടം സംഭവിച്ചത്.

സമീപത്തെ ഒരു വീട്ടിൽ കട്ടില ഇറക്കിയ ശേഷം തിരികെ വരുന്നവഴിക്കാണ് അപകടം സംഭവിച്ചത്. തിരിച്ചെത്തേണ്ട സമയം കഴിഞ്ഞിട്ടും കാണാത്തതിനെ തുടർന്ന് നടത്തിയ അന്വേഷണത്തിലാണ് അപകടവിവരം നാട്ടുകാരറിയുന്നത്.

മൃതദേഹം പീരുമേട് താലൂക്ക് ആശുപത്രിയിൽ പോസ്റ്റ്മോർട്ടം നടപടികൾക്ക് ശേഷം ബന്ധുക്കൾക്ക് വിട്ടുനൽകി.

ഭാര്യ : ദൈവകനി, മക്കൾ: പ്രവീൺ, അജയ്.