Kerala
കണ്ടല സഹകരണ ബേങ്ക് തട്ടിപ്പ് കേസ്; എസ് ഭാസുരാംഗന്റെ ഹരജി ഹൈക്കോടതി തള്ളി
100 കോടിയുടെ തട്ടിപ്പാണ് നടന്നതെന്ന പ്രോസിക്യൂഷന് വാദം അംഗീകരിച്ചാണ ഹരജി് കോടതി തള്ളിയത്
കൊച്ചി | കണ്ടല സഹകരണ ബേങ്ക് തട്ടിപ്പ് കേസ് റദ്ദാക്കണമെന്നാവശ്യപ്പെട്ട് ബേങ്കിന്റെ മുന് പ്രസിഡന്റ് എസ് ഭാസുരാംഗന് നല്കിയ ഹരജി ഹൈക്കോടതി തള്ളി. പണം തിരികെ ലഭിച്ചില്ലെന്ന് ആരോപിച്ച് കണ്ടല സ്വദേശി അയ്യപ്പന് നായരുടെ പരാതിയില് മാറനല്ലൂര് പോലീസ് രജിസ്റ്റര് ചെയ്ത കേസിനെതിരെയാണ് ഭാസുരാംഗന് കോടതിയെ സമീപിച്ചത്.
100 കോടിയുടെ തട്ടിപ്പാണ് നടന്നതെന്ന പ്രോസിക്യൂഷന് വാദം അംഗീകരിച്ചാണ ഹരജി് കോടതി തള്ളിയത്. ബേങ്കുമായി ബന്ധപ്പെട്ട കള്ളപ്പണ ഇടപാടില് അറസ്റ്റിലായ ഭാസുരാംഗനും മകനും നിലവില് റിമാന്ഡിലാണ്.സിപിഐ നേതാവും ബാങ്കിന്റെ മുന് പ്രസിഡന്റുമായ ഭാസുരാംഗന്, മകന് അഖില്, രണ്ട് പെണ്മക്കള് അടക്കം ആറ് പേരെ പ്രതി ചേര്ത്താണ് എന്ഫോഴ്സ്മെന്റ് ഡയറക്ടറേറ്റ് കേസില് ആദ്യഘട്ട കുറ്റപത്രം കോടതിയില് സമര്പ്പിച്ചത്. കണ്ടല ബാങ്കില് മൂന്ന് കോടി 22 ലക്ഷം രൂപയുടെ കള്ളപ്പണ ഇടപാട് നടന്നെന്നാണ് ഇഡിയുടെ കണ്ടെത്തല്. എന് ഭാസുരാംഗന് ബെനാമി പേരില് 51 കോടി രൂപ വായ്പ തട്ടിയെന്നും എന്ഫോഴ്സ്മെന്റ് ഡയറക്ടറേറ്റ് കണ്ടെത്തിയിരുന്നു