കര്‍ണാടക ബജറ്റ്: ചെവിയില്‍ പൂ വെച്ച് പ്രതിപക്ഷ പ്രതിഷേധം

ബെംഗളുരു| കര്‍ണാടകയില്‍ ബജറ്റ് അവതരണത്തിനിടെ പ്രതിപക്ഷ പ്രതിഷേധം. മുന്‍ മുഖ്യമന്ത്രി സിദ്ധരാമയ്യയും കോണ്‍ഗ്രസ് അംഗങ്ങളും ചെവിയില്‍ പൂ വെച്ചാണ് സഭയില്‍ എത്തിയത്. നാട്ടിലെ ജനങ്ങളുടെ അവസ്ഥ ഇതാണെന്ന് പറഞ്ഞുകൊണ്ടായിരുന്നു പ്രതിപക്ഷം പൂ വെച്ച് എത്തിയത്.

ജനങ്ങളെ ചതിക്കാനുള്ള ബജറ്റാണിതെന്ന് സിദ്ധരാമയ്യ പറഞ്ഞു. ബജറ്റവതരണത്തിനിടെ പ്രതിപക്ഷം ബഹളം വെക്കുകയും ചെയ്തു. 3.09 ലക്ഷം കോടിയുടെ ബജറ്റാണ് ബസവരാജ ബൊമ്മൈ അവതരിപ്പിച്ചത്. ബെംഗളുരുവില്‍ അടിക്കടിയുണ്ടാകുന്ന പ്രളയം നിയന്ത്രിക്കാന്‍ 3,000 കോടിയുടെ പദ്ധതിയടക്കം നിരവധി വികസന പദ്ധതികള്‍ അദ്ദേഹം പ്രഖ്യാപിച്ചു.