Kerala
തിരുവനന്തപുരം നഗരസഭക്ക് 10 കോടി കേന്ദ്രസര്‍ക്കാര്‍ ഇന്‍സെന്റീവ്
അമൃത് പദ്ധതികളുടെ മികച്ച നിര്‍വ്വഹണത്തിനാണ് ഈ ഇന്‍സെന്റീവ് ലഭിച്ചതെന്ന് മേയര്‍ ആര്യാ രാജേന്ദ്രന്‍
തിരുവനന്തപുരം | കേന്ദ്രസര്‍ക്കാരില്‍ നിന്ന് 10 കോടി രൂപ തിരുവനന്തപുരം നഗരസഭക്ക് ഇന്‍സെന്റീവ് ലഭിച്ചു. ഇന്‍സന്റീവ് ലഭിച്ച കേരളത്തിലെ ഏക നഗരസഭ തിരുവനന്തപുരമാണെന്ന് മേയര്‍ ആര്യ രാജേന്ദ്രന്‍ ഫേസ്ബുക്ക് കുറിപ്പില്‍ അറിയിച്ചു.
അമൃത് പദ്ധതികളുടെ മികച്ച നിര്‍വ്വഹണത്തിനാണ് ഈ ഇന്‍സെന്റീവ് ലഭിച്ചത്. അമൃത് പദ്ധതികളിലൂടെ നഗരസഭ പരിധിയിലെ വീടുകളില്‍ കുടിവെള്ളം എത്തിച്ച പ്രവൃത്തികള്‍ക്കാണ് കേന്ദ്ര സര്‍ക്കാരില്‍ നിന്ന് അംഗീകാരം ലഭിച്ചത്. പദ്ധതി വിജയകരമായി നടപ്പിലാക്കുന്നതില്‍ നിര്‍ണ്ണായക പങ്കുവഹിച്ച കേരള വാട്ടര്‍ അതോറിറ്റി വകുപ്പ് ഉദ്യോഗസ്ഥര്‍ക്കും ജീവനക്കാര്‍ക്കും നഗരസഭയുടെ മേയര്‍ നന്ദി അറിയിച്ചു.
നഗരസഭയ്ക്ക് ലഭിച്ച 10 കോടി രൂപ നഗരത്തിലെ വെള്ളക്കെട്ടുമായി ബന്ധപെട്ടുള്ള പ്രശ്‌നങ്ങള്‍ പരിഹരിക്കുന്നതിനായി വിനിയോഗിക്കും. അത് സംബന്ധിച്ച തീരുമാനങ്ങള്‍ വൈകാതെ കൈക്കൊള്ളുമെന്നും മേയര്‍ അറിയിച്ചു.
Latest
ജനങ്ങള്‍ മുഖ്യമന്ത്രിയെ നികൃഷ്ടജീവിയായി കാണുന്നത് ചരിത്രത്തില്‍ ആദ്യം: കെ സുധാകരന്‍
ഡോ. സരിനു പിന്നാലെ മുന്‍ കെ എസ് യു നേതാവ് എ കെ ഷാനിബും കോണ്‍ഗ്രസ് വിടുന്നു
തിരുവനന്തപുരം നഗരസഭക്ക് 10 കോടി കേന്ദ്രസര്‍ക്കാര്‍ ഇന്‍സെന്റീവ്
മദ്യ ലഹരിയില്‍ മകന്‍ അച്ഛനെ കൊലപ്പെടുത്തി
സിനിമാ നിര്‍മാതാവ് ചമഞ്ഞ് യുവതികളെ പീഡിപ്പിച്ച പ്രതി പിടിയില്‍
എ ഡി എമ്മിന്റെ മരണം; തുടരന്വേഷണ ചുമതലയില്‍ നിന്ന് കണ്ണൂര്‍ കലക്ടറെ മാറ്റി
