Ongoing News
കര്‍ണാടകക്കെതിരെ കേരളത്തിന്റെ ഗോള്‍ വര്‍ഷം; ഫൈനലില്‍
7-3 എന്ന വന്‍ മാര്‍ജിനിലാണ് കേരളത്തിന്റെ വിജയം. 30ാം മിനുട്ടില്‍ പകരക്കാരനായെത്തിയ ടി കെ ജെസിന്‍ അഞ്ച് ഗോളുകള്‍ നേടി കേരള വിജയത്തില്‍ നിര്‍ണായക പങ്കുവഹിച്ചു. ഷിഗിലും അര്‍ജുന്‍ ജയരാജും ഓരോ ഗോള്‍ നേടി.
മലപ്പുറം | സന്തോഷ് ട്രോഫിയില്‍ കര്‍ണാടകയെ ഗോളില്‍ മുക്കി കേരളം ഫൈനലിലെത്തി. 7-3 എന്ന വന്‍ മാര്‍ജിനിലാണ് കേരളത്തിന്റെ വിജയം. മലപ്പുറത്തെ പയ്യനാട് സ്റ്റേഡിയത്തില്‍ കാണികളുയര്‍ത്തിയ ആരവങ്ങളുടെ ആവേശം ഹൃദയത്തിലേറ്റു വാങ്ങിയാണ് കേരളം തകര്‍പ്പന്‍ പ്രകടനം കാഴ്ചവച്ചത്. 24ാം മിനുട്ടില്‍ കേരളത്തെ ഞെട്ടിച്ച് കര്‍ണാടകയാണ് ആദ്യ ഗോള്‍ നേടിയത്. എന്നാല്‍, പിന്നീട് മുറിവേറ്റ സിംഹത്തെ പോലെ ആഞ്ഞടിച്ച് കേരളം മത്സരത്തിന്റെ ആധിപത്യം കൈവശപ്പെടുത്തുകയായിരുന്നു.
30ാം മിനുട്ടില്‍ പകരക്കാരനായെത്തിയ ടി കെ ജെസിന്‍ അഞ്ച് ഗോളുകള്‍ നേടി കേരള വിജയത്തില്‍ നിര്‍ണായക പങ്കുവഹിച്ചു. ഷിഗിലും അര്‍ജുന്‍ ജയരാജും ഓരോ ഗോള്‍ നേടി. ഇത് പതിനഞ്ചാം തവണയാണ് കേരളം സന്തോഷ് ട്രോഫി ഫൈനലില്‍ പ്രവേശിക്കുന്നത്. മെയ് രണ്ടിന് നടക്കുന്ന കലാശക്കളിയില്‍ ബംഗാള്‍-മണിപ്പൂര്‍ സെമിയിലെ മത്സര വിജയികളെയാണ് കേരളം നേരിടുക.
Latest
കേരളത്തിലെ ഏറ്റവും വലിയ സ്റ്റുഡന്റ്സ് അവാര്ഡ് പ്രോഗ്രാമുമായി സൈലം
വയനാടിന് പ്രിയങ്കരി; കന്നിയങ്കത്തില് കൂറ്റന് ഭൂരിപക്ഷവുമായി പ്രിയങ്ക
ചേലക്കരയെ വീണ്ടും ചുവപ്പിച്ചു; ചേലോടെ പ്രദീപ്
ടിപ്പർ ലോറി സൈക്കിളിൽ ഇടിച്ച് മദ്റസ വിദ്യാർഥി മരിച്ചു
ഇടതു കോട്ട കാത്ത് യു ആര് പ്രദീപ്
മഹാരാഷ്ട്രയില് മഹായുതി; ഝാര്ഖണ്ഡില് ഇന്ത്യ സഖ്യം
