Kerala
കേരള പുരസ്‌കാരങ്ങള്‍ പ്രഖ്യാപിച്ചു; ടി പത്മനാഭന് കേരള ജ്യോതി
സാമൂഹിക സേവന, സിവില്‍ സര്‍വീസ് മേഖലയില്‍ ജസ്റ്റിസ് (റിട്ട.) എം ഫാത്തിമ ബീവി, കലാ മേഖലയില്‍ നടരാജ കൃഷ്ണമൂര്‍ത്തി (സൂര്യ കൃഷ്ണമൂര്‍ത്തി) എന്നിവര്‍ കേരള പ്രഭ പുരസ്‌കാരം നേടി.
തിരുവനന്തപുരം | 2023ലെ കേരള പുരസ്‌കാരങ്ങള്‍ പ്രഖ്യാപിച്ചു. വിവിധ മേഖലകളില്‍ സമഗ്ര സംഭാവനകള്‍ നല്‍കുന്ന വിശിഷ്ട വ്യക്തിത്വങ്ങള്‍ക്ക് സംസ്ഥാന സര്‍ക്കാര്‍ നല്‍കുന്നതാണ് കേരള പുരസ്‌കാരങ്ങള്‍. പരമോന്നത പുരസ്‌കാരമായ കേരള ജ്യോതി പുരസ്‌കാരം ടി പത്മനാഭന് ലഭിച്ചു. സാഹിത്യ മേഖലയിലെ സമഗ്ര സംഭാവനക്കാണ് അവാര്‍ഡ്.
സാമൂഹിക സേവന, സിവില്‍ സര്‍വീസ് മേഖലയില്‍ ജസ്റ്റിസ് (റിട്ട.) എം ഫാത്തിമ ബീവി, കലാ മേഖലയില്‍ നടരാജ കൃഷ്ണമൂര്‍ത്തി (സൂര്യ കൃഷ്ണമൂര്‍ത്തി) എന്നിവര്‍ കേരള പ്രഭ പുരസ്‌കാരം നേടി.
സാമൂഹിക സേവന മേഖലയില്‍ പുനലൂര്‍ സോമരാജന്‍, ആരോഗ്യ മേഖലയില്‍ ഡോ. വി പി ഗംഗാധരന്‍, വ്യവസായ-വാണിജ്യ മേഖലയില്‍ രവി ഡി സി, സിവില്‍ സര്‍വീസ് മേഖലയില്‍ കെ എം ചന്ദ്രശേഖര്‍, കല (സംഗീതം) മേഖലയില്‍ പണ്ഡിറ്റ് രമേശ് നാരായണ്‍ എന്നിവര്‍ക്ക് കേരള ശ്രീ പുരസ്‌കാരം ലഭിച്ചു.
അടൂര്‍ ഗോപാലകൃഷ്ണന്‍, കെ ജയകുമാര്‍, ഡോ. ജോര്‍ജ് ഓണക്കൂര്‍ എന്നിവരടങ്ങിയ അവാര്‍ഡ് സമിതിയാണ് പുരസ്‌കാര ജേതാക്കളെ തിരഞ്ഞെടുത്തത്.
വിവിധ മേഖലകളിലെ സമഗ്ര സംഭാവനകള്‍ കണക്കിലെടുത്ത് ഒന്നാമത്തെ പരമോന്നത സംസ്ഥാന പുരസ്‌കാരമായ ‘കേരള ജ്യോതി’ വര്‍ഷത്തില്‍ ഒരാള്‍ക്കും, രണ്ടാമത്തേതായ ‘കേരള പ്രഭ’ വര്‍ഷത്തില്‍ രണ്ടുപേര്‍ക്കും, മൂന്നാമത്തെ പരമോന്നത സംസ്ഥാന പുരസ്‌കാരമായ ‘കേരള ശ്രീ’ വര്‍ഷത്തില്‍ അഞ്ചുപേര്‍ക്കും എന്ന ക്രമത്തില്‍ നല്‍കുന്നതിനാണ് തീരുമാനിച്ചിട്ടുള്ളത്.
Latest
ഹേമ കമ്മറ്റി റിപ്പോര്‍ട്ട്: മൊഴി നല്‍കാന്‍ താല്‍പര്യമില്ലാത്തവരെ നിര്‍ബന്ധിക്കരുത്; ഹൈക്കോടതി
അബൂദബിയിൽ 15 നഴ്സറികൾക്ക് അഡെക് അംഗീകാരം
ശൈഖ് സായിദ്: ഹൃദയങ്ങളിൽ ജീവിക്കുന്ന നായകന്റെ സ്മരണയിൽ രാജ്യം
ആശവര്‍ക്കര്‍മാര്‍ക്കു പിന്നാലെ രാപ്പകല്‍ സമരവുമായി അങ്കണവാടി ജീവനക്കാരും
ഡാറ്റ ബേങ്കില്‍ നികത്തു ഭൂമി എന്ന് രേഖപ്പെടുത്തരുത്; ഹൈക്കോടതി
സുനിത വില്യംസും ബുച്ച് വില്‍മോറും ഭൂമിയിലേക്ക് പുറപ്പെട്ടു; ഡ്രാഗണ്‍ അണ്‍ഡോക്ക് ചെയ്തു
