വിലക്കയറ്റം ഏറ്റവും കുറവുള്ള സംസ്ഥാനമായി വീണ്ടും കേരളം

ശക്തമായ പൊതുവിതരണ സമ്പ്രദായവും പൊതുവിപണിയിൽ സർക്കാർ നടത്തുന്ന കാര്യക്ഷമമായ ഇടപെടലുകളുമാണ് ഇതിന് കേരളത്തെ പര്യാപ്തമാക്കിയത്. സപ്ലൈകോയിലൂടെ സബ്സിഡി നിരക്കിൽ നൽകുന്ന 13 ഇനം അവശ്യസാധനങ്ങളുടെ വില ആറ് വർഷമായി സംസ്ഥാനത്ത് കൂട്ടിയിട്ടില്ല.

ഓണക്കാലത്ത് അതിശക്തമായി വിപണിയിൽ ഇടപെടാനും വിലക്കയറ്റം പിടിച്ചുനിർത്താനും സർക്കാറിന് സാധിച്ചുവെന്ന് ധനമന്ത്രി ബി എൻ ബാലഗോപാൽ അഭിപ്രായപ്പെട്ടു. കഴിഞ്ഞ ഒരു വർഷത്തിലധികമായി രാജ്യത്ത് പണപ്പെരുപ്പം ഏറ്റവും കുറവുള്ള സംസ്ഥാനവും കേരളമാണ്. ഇടതുപക്ഷം രാജ്യത്തിന് മുന്നിൽ വയ്ക്കുന്ന ബദൽ വികസന രാഷ്ട്രീയത്തിന്റെ വിജയമാണ് ഈ കണക്കുകൾ തെളിയിക്കുന്നതെന്നും അദ്ദേഹം കൂട്ടിച്ചേർത്തു.