കേരള യുവജന സമ്മേളനം : എസ് വൈ എസ് പ്ലാറ്റിനം സഫര്‍ ആവേശമായി

കാസര്‍കോട് | എസ് വൈ എസ് കേരള യുവജന സമ്മേളനത്തിന്റെ മുന്നോടിയായി കാസര്‍കോട് ജില്ലാ കമ്മിറ്റി സംഘടിപ്പിക്കുന്ന പ്ലാറ്റിനം സഫര്‍ നാടും നഗരും കീഴടക്കി മുന്നോട്ട്. എങ്ങും ആവേശകരമായ സ്വീകരണമാണ് യാത്രക്ക് ലഭിക്കുന്നത്.

ഉത്തര, ദക്ഷിണ മേഖലാ യാത്രകള്‍ 50 സര്‍ക്കിള്‍ കേന്ദ്രങ്ങളിലെ ആവേശോജ്ജ്വല സ്വീകരണങ്ങള്‍ക്കു ശേഷം ഇന്ന് രാത്രി 7.30 ന് ഹൊസങ്കടിയിലും തൃക്കരിപ്പൂരും സമാപിക്കും. ഹൊസങ്കടിയില്‍ സയ്യിദ് പി എസ് ആറ്റക്കോയ തങ്ങള്‍ പഞ്ചിക്കലും തൃക്കരിപ്പൂരില്‍, പള്ളങ്കോട് അബ്ദുല്‍ ഖാദിര്‍ മദനിയും ഉദ്ഘാടനം ചെയ്യും. ജില്ലാ പ്രസിഡന്റ് അബ്ദുല്‍ ഖാദിര്‍ സഖാഫി കാട്ടിപ്പാറ നയിക്കുന്ന ഉത്തര മേഖലാ യാത്ര ഇന്ന് (ശനി ) രാവിലെ 10ന് ബായാറില്‍ നിന്നാരംഭിക്കും.

പൈവളിഗെ, മണ്ണംകുഴി, മിയ്യപ്പപദവ്, ദൈഗോളി, ബാക്രബയല്‍, മജീര്‍ പള്ള, പാവൂര്‍, കുഞ്ചത്തൂര്‍ സ്വീകരണങ്ങള്‍ക്ക് ശേഷമാണ് ഹൊസങ്കടിയിലെത്തുന്നത്. മൂസ സഖാഫി കളത്തൂര്‍ നയിക്കുന്ന ദക്ഷിണ മേഖലാ യാത്ര രാവിലെ നീലേശ്വരത്ത് നിന്നാരംഭിച്ച് പരപ്പ, കുന്നുംകൈ, ചീമേനി, ചെറുവത്തൂര്‍, മാവിലാടം, പടന്ന സ്വീകരണങ്ങള്‍ക്ക് ശേഷമാണ് തൃക്കരിപ്പൂരിലെത്തുന്നത്.

രണ്ടാം ദിവസം വിവിധ കേന്ദ്രങ്ങളില്‍ സയ്യിദ് ഹാമിദ് അന്‍വര്‍ അഹ്ദല്‍ തങ്ങള്‍, സയ്യിദ് മുത്തുക്കോയ തങ്ങള്‍ പരപ്പനങ്ങാടി, അബ്ദുല്‍ മജീദ് ഫൈസി കൊടിയമ്മ, അബ്ദുല്‍ ഖാദിര്‍ സഖാഫി മൊഗ്രാല്‍, കന്തല്‍ സൂപ്പി മദനി, സിദ്ധീഖ് സഖാഫി അവള, ജമാല്‍ സഖാഫി ആദൂര്‍, ഇബ്രാഹിം സഖാഫി കര്‍ണൂര്‍, ഹസൈനാര്‍ സഖാഫി കുണിയ, അബൂബക്കര്‍ സഖാഫി പാവൂറഡുക്ക, അഷ്റഫ് കരിപ്പൊടി, മഹ്മൂദ് അംജദി, സ്വാദിഖ് ആവളം, മുഹമ്മദ് സഖാഫി തൊക്കെ, അബ്ദുല്‍ ജലീല്‍ സഖാഫി മാവിലാടം, ശകീര്‍ പെട്ടിക്കുണ്ട് , അബ്ദുല്‍ അസീസ് സൈനി, ഹനീഫ് സഅദി കുമ്പോല്‍, മൂസ സഖാഫി പൈവളിഗെ, ബഷീര്‍ ഹിമമി പെരുമ്പള, ഫൈസല്‍ സഖാഫി ആവള, ഷംസീര്‍ സൈനി, മന്‍ഷാദ് അഹ്സനി, സുബൈര്‍ ബാഡൂര്‍, സിദ്ധീഖ് പൂത്തപ്പലം തുടങ്ങിയവര്‍ പ്രസംഗിച്ചു. യൂണിറ്റ് സമാഹരിച്ച സമ്മേളന നിധി ഏറ്റു വാങ്ങി.