കൊടകര കുഴല്‍പ്പണം; തിരൂര്‍ സതീഷിന് പിന്നില്‍ താനാണെന്ന് വാര്‍ത്തകള്‍ നിഷേധിച്ച് ശോഭ സുരേന്ദ്രന്‍

തിരുവനന്തപുരം | കൊടകര കുഴല്‍പ്പണ കേസില്‍ ആരോപണം ഉന്നയിച്ച തിരൂര്‍ സതീഷിന് പിന്നില്‍ താനാണെന്ന് വാര്‍ത്തകള്‍ നിഷേധിച്ച് ബിജെപി നേതാവ് ശോഭ സുരേന്ദ്രന്‍.

തനിക്കെതിരെ പുറത്തുവരുന്ന ആരോപണങ്ങള്‍ തെറ്റാണ്. രേഖയില്ലാതെയാണ് തനിക്കെതിരെ വലിയ ആരോപണം ഉന്നയിക്കുന്നതെന്നു പൊട്ടിത്തെറിച്ചായിരുന്നു പ്രതികരണം. തനിക്കെതിരെ ആരോപണം ഉന്നയിക്കുന്നവരുടെ മുഖപടം വലിച്ചു ചീന്താനുള്ള ബന്ധങ്ങള്‍ കേന്ദ്രത്തില്‍ തനിക്കുണ്ടെന്നും അവര്‍ പറഞ്ഞു.

മുഖ്യമന്ത്രി പിണറായി വിജയും മാധ്യമ മുതലാളിയും ചേര്‍ന്നാണ് തനിക്കെതിരെ നീക്കം നടത്തുന്നത്. തന്റെ ജീവിതം വെച്ച് കളിക്കാന്‍ ഒരാളെയും ഞാന്‍ അനുവദിക്കില്ലെന്നും അവര്‍ പറഞ്ഞു.