Kerala
കൊടി സുനിക്ക് പരോള്‍: നിയമ വാഴ്ചയോടുള്ള പരസ്യമായ വെല്ലുവിളിയെന്ന് സതീശന്‍
മുഖ്യമന്ത്രിയും ഉപജാപക സംഘവും ഇടപെട്ടെന്ന്
കോഴിക്കോട് | ടി പി ചന്ദ്രശേഖരന്‍ വധക്കേസിലെ പ്രതിയും കൊടും ക്രിമിനലുമായ കൊടി സുനിക്ക് ഒരു മാസത്തെ പരോള്‍ നല്‍കിയ സര്‍ക്കാര്‍ തീരുമാനം നിയമ സംവിധാനങ്ങളോടും നിയമ വാഴ്ചയോടുമുള്ള പരസ്യമായ വെല്ലുവിളിയാണെന്ന് പ്രതിപക്ഷ നേതാവ് വി ഡി സതീശന്‍. പരോള്‍ അനുവദിക്കുന്നതുമായി ബന്ധപ്പെട്ട് സി പി എം ഉന്നത നേതൃത്വത്തിന്റെ അറിവോടെ ഗൂഢാലോചന നടന്നിട്ടുണ്ടെന്ന് സംശയിക്കേണ്ടിയിരിക്കുന്നുവെന്നും അദ്ദേഹം ഫേസ്ബുക്ക് പേജില്‍ കുറിച്ചു.
പോലീസ് റിപോര്‍ട്ട് എതിരായിട്ടും മുഖ്യമന്ത്രിയുടെയും അദ്ദേഹത്തിന്റെ ഓഫീസിലെ ഉപജാപക സംഘത്തിന്റെയും ഇടപെടലിലാണ് കൊടി സുനിക്ക് പരോള്‍ അനുവദിച്ചത്. കൊലപാതകം ആസൂത്രണം ചെയ്തും അത് നടപ്പാക്കിയും കൊലയാളികളെ സംരക്ഷിച്ചും പൂര്‍ണമായും കൊലയാളി പാര്‍ട്ടിയായി സി പി എം അധഃപതിച്ചിരിക്കുകയാണ്.
ടി പി വധക്കേസിലെയും പെരിയ ഇരട്ടക്കൊലക്കേസിലെയും പ്രതികള്‍ ഉള്‍പ്പെടെയുള്ള ക്രിമിനലുകള്‍ക്കും നവീന്‍ ബാബുവിനെ മരണത്തിലേക്ക് തള്ളിവിട്ടവര്‍ക്കും സംരക്ഷണം നല്‍കുമെന്നാണ് പിണറായി വിജയന്‍ സര്‍ക്കാര്‍ ഇത്തരത്തിലുള്ള ഓരോ നടപടികളിലൂടെയും കേരളത്തോട് ആവര്‍ത്തിച്ച് പറഞ്ഞുകൊണ്ടിരിക്കുന്നതെന്നും സതീശന്‍ കുറ്റപ്പെടുത്തി.
Latest
മാധ്യമപ്രവര്‍ത്തകന്‍ എസ് ജയചന്ദ്രന്‍ നായര്‍ അന്തരിച്ചു
യന്ത്ര തകരാർ: കടലിൽ കുടുങ്ങിയ നാല് പേരെ ബോർഡർ ഗാർഡ്സ് രക്ഷിച്ചു
വെസ്റ്റ്ബാങ്കില്‍ അല്‍ ജസീറക്ക് വിലക്കേര്‍പ്പെടുത്തി
കൊച്ചിയില്‍ ഫ്‌ലവര്‍ ഷോ കാണാനെത്തിയ വീട്ടമ്മ പ്ലൈവുഡ് പലകയില്‍ തട്ടി വീണു; ഗുരുതര പരുക്ക്
പ്രവാചക നഗരിയായ മദീനയിലെ റമദാൻ മുന്നൊരുക്കം അവലോകനം ചെയ്തു
പ്ലസ്‌വണ്‍, പ്ലസ്ടു വിദ്യാര്‍ഥികള്‍ക്ക് സൗജന്യ ഉച്ചഭക്ഷണ പദ്ധതിയുമായി ആന്ധ്ര സര്‍ക്കാര്‍
